加入最愛專欄  收藏文章 

15/11/2018

遇上度縮港男:做男人, 埋單立即閃避?

  聽她說過有新對象,最近無聲無氣的。

 

「你哋發展成點呀?」我喝了口Earl Grey說。

 

「佢唔得啦。」她若有所思地答。

 

「唔得...邊方面先?」我心裏已轉了好幾個念頭,嘿。

 

「本來覺得佢幾好,但有啲位我接受唔到...埋單佢會避。」

 

  她這個對象條件不俗,職業也穩定,是大家口中的筍盤,果然相處過才知真筍還是假筍。

 

「避埋單?」

 

「畀錢佢會側側膊,上次坐的士,一到站佢即刻開門落車,得返我喺入面,自然就我畀啦,司機都呆咗……勁尷尬。」

 

  埋單這回事,向來惹起不少紛爭,到底該是男人主動出錢、當面AA或之後才計數?這次同乘的士,男方卻自顧自閃走,是明知故作還是情急忘記?!

 

「咁平時呢?」我接著問。

 

「有幾次食飯睇戲,佢一係話唔夠cash,一係話下次請返,叫我畀住先,之後都無咗回事!」

 

  藉口如此多,騙徒手法果然層出不窮。的士事件他未必真想走數,那平時出去好歹也是場約會,基本的風度該有吧?!吃餐飯、睇場戲花不了多少,一次無現金,下次又搬出類似藉口,為了縮數,埋單那刻左顧右盼,出盡花招推搪,真是辛苦他了。

 

    儘管有些男人視約會等同花錢,每分每毫也計較,但單還是要埋。要是Budget有限,裝不出大方,大可以一早明言,約會你一餐我一餐,有共識的便繼續,有何不可?喂,真窮假窮都好,自己那份也該付的,有拖無欠的等對方一併埋單,好意思麼?!

 

  閃避卸地逃過帳單上的小數目,就等如賺了嗎?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新節目《說說心理話》原生家庭對成長有咩影響?改善溝通有計可施?► 即睇

Immerse yourself in Arts Month

You May Also Like
#Sex & Relationship #兩性關係 #港男 #Love Philosophy
More on Sex & Love

Popular Tags

即時報價
全文搜索
Search
最近搜看
    • 港股
    • A股
雙幣交易
大國博弈
More
Share