《古臣周記》狗年開局後，大市Ｃｈｏｋ到爆，成大半個月都係無咩方向可言。不過３月業績期，到時邊Ｄ股份係有實力，邊Ｄ股份無實力，就會見真章。汰弱留強情況之下，阿臣認為３月大市都係繼續Ｃｈｏｋ，不過只要美元弱嘅大勢不變，阿臣就認為仍然係Ｃｈｏｋ中偏好。喺咁Ｃｈｏｋ嘅市況下，多一事不如少一事，戒下即日鮮為妙。至於想買嘅貨，就可以慢慢買。

＊南方Ａ５０仍震盪，渣打恢復派息＊

　　南方Ａ５０（０２８２２）漸漸升返少少，阿臣找來一隻牛證６７０７７，槓桿都有９倍，回收價１４﹒８６銀，相對安全，加上６月先到期。不過暫時南方Ａ５０所追蹤嘅５０隻Ａ股，近來表現都一般，所以隻牛都唔使急住追，大約落到０﹒１５銀先買第一注試吓啦。呢種市況如果高追直入衍生工具，隨時中伏，最後只會打擊自己對於相關股份走勢嘅看法，所以買貨要「其徐如林」（出自《孫子兵法》，指作戰時需靈活控制速度，有時候需如樹林一樣徐徐開展）。　　渣打（０２８８８）噚日放榜，除稅前法定溢利為２４﹒１５億美元，大升近５倍，虧轉盈賺１２﹒１９億美元。更重要嘅係，公司恢復派息，未來仲打算增加每股股息。績後渣打無大升，大概受制於市場氣氛，可以資金未見好活躍咁入市。加上渣打處於重整業務後復甦階段，暫時投資者都恐怕未對公司有好大信心住。阿臣決定等埋下個月，睇吓渣打可唔可以逼近返紅底，到時再沽出手上嘅渣打認購期權。

＊中芯跌定，巴菲特大力支持蘋果＊

　　中芯（００９８１）早前發業績，由於帶唔到驚喜畀投資者，結果股價一直隊到落９蚊樓下，但今輪調整當中股價喺８﹒７３銀就見到支持，而且一直反彈到依家十個幾水平。中芯早前有國家隊入場，加上晶片係呢個時代電子產品嘅重要材料，公司唔愁無生意。現水平呢個價位都算值博，所以阿臣以１０﹒５銀買入２０００股中芯，希望３月份可以炒一轉。　　股神巴菲特早前接受訪問時公開咗佢嘅買賣策略，股神話自己上年買咗好多蘋果公司嘅股票，另外，富國銀行、美國銀行、可口可樂、美國運通亦係佢頭幾大嘅倉位，缸友不妨參考吓，睇吓股神認為Ｄ咩類型嘅公司先有發展潛力啦。　　　　表列截至２月２７日（１１：１５ａｍ止）投資組合表現：

　　股份　　　　　股數　　　　平均買入價　　　　　　現價　　　　　　　總值　　－－－－－－－－－－－－－－－－－－－－－－－－－－－－－－－－－－－－－－－－　　港股：　　騰訊　　　　　１００股　　３６２﹒００元　　４３６﹒４０元　　　　４３６４０元　　騰訊牛　　６２３００　　　２萬股　　　　０﹒４１元　　　０﹒２８５元　　　　　５７００元

　　中海物業　　　　２萬股　　　　２﹒５６元　　　　２﹒６１元　　　　５２２００元

　　中芯國際　　２０００股　　　１０﹒５０元　　　１０﹒５６元　　　　２１１２０元

　　渣打３月認購權　２５００股　　２﹒４４元　　　　１﹒８４元　　　　　４６００元　　－－－－－－－－－－－－－－－－－－－－－－－－－－－－－－－－－－－－－－－－

　　本周買入股份　　－－－－－－－－－－－－－－－－－－－－－－－－－－－－－－－－－－－－－－－－　　股份　　　　　　每股作價　　　數量　　　計及手續費後金額（元）　　　盈╱虧（元）　　　　　　　　　　　　　　　　　　　　　　　　　　　　　　　　　　　（不計手續費）　　－－－－－－－－－－－－－－－－－－－－－－－－－－－－－－－－－－－－－－－－　　中芯國際　　　１０﹒５元　　２０００股　　　　２１０７８元　　　　　　－－　　－－－－－－－－－－－－－－－－－－－－－－－－－－－－－－－－－－－－－－－－

　　股票市值　　　　　　：　１２７２６０元　　剩餘現金　　　　　　：　　４３７５４元　　組合淨值　　　　　　：　１７１０１４元

　　組合本月收益表現：　－　８﹒９％（截至上月底止組合淨值：１８７６２５元）　　組合累計收益表現：　＋６２﹒９％（本金１０５０００元計）（２０１６年８月開倉）

　　＊數據截至今日１１：１５ａｍ

全新節目《說說心理話》青少年不可以戀愛！？真實個案講述驚心動魄經歷► 即睇