加入最愛專欄  收藏文章 

2019-06-20

【奇葩公司】收到完美Offer都要拒絕的原因!小薯偽轉工奇遇實錄(下)

  上星期講到,我冇神神得到個天跌落黎嘅完美offer,但對方嘅HR一直都只係口頭答應,遲遲未比到一份有約束力嘅contract我,仲想我「相信佢地,先辭職,佢地再後補official offer」。不平等條約我簽得多,但條約都冇你就想我甘願做你隻狗?派幾多狗糧都要講明吖!結果,經周旋後,對方答應於下星期初完成offer proposal比我(當時係星期五),而我係收到proposal同confirm後亦會盡快辭職。

 

 

  由當日起,我日日茶飯不思咁望住個電話同refresh email。星期一過去、星期二又過去,捽之係星期三下晝收到該公司另一位HR嘅電話….

 

  「你好玄小姐,我同事應該有同你傾過,咁我而家整緊份proposal,你係咪下個月嘅8號可以onboard?」(8號係即日起計一個月後)

 

  「Er…我都有同你同事講過,要視乎幾時收到個official offer,收到後再confirm到冇問題我就可以辭職,再嗰日起計一個月咁。同埋因為上星期你同事話今個星期頭會收到proposal,想問下今日會唔會有?不過我唔急嘅,係我怕你地急要人啫。」

 

  「今日未畀到你啊,我盡量星期五前整好畀你喇。」

 

  又改期?究竟你個同事同你有冇溝通架?想我早啲返工,但個offer又一拖再拖,係咪HR壓人新技倆?不過,天無絕人之路,今次早在星期四已經得到真正嘅回應。對方亦一如既往,好急咁要求我下個工作天day end前回覆,否則視為放棄;仲話知道自己好急,所以有咩對於proposal唔明或唔清晰可以打電話畀佢問。

 

 

  為左保護自己,緊係聯絡對方要佢由頭到尾walk through一次喇。可惜,冇人聽電話,咁我唯有email覆佢我希望同佢walk through個contract,叫佢有時間打畀我喇。我又望住個電話一日,直到收工都係收唔到電話!到左第二日,我下定決心今日要一個鐘頭打一個電話比佢。點知早上8點30分左右,我仲迫緊地鐵返公司嘅時候,佢竟然呢個時候打黎…人又多、又冇個proposal對住黎傾、我又唔想比隔離條西裝佬知我搵幾錢,我只好要求過15分鐘後返到公司再打俾佢。點知,呢個只能打出不能打入嘅電話,我再打唔番俾佢。睇返紀錄,我分別於8點45分、10點、12點、2點30、4點45分、5點15分打過電話搵對方,但從來都無人接聽。

 

  最終,我冇簽翻份contact send返去,即係reject左個offer。雖然,contract都係大同小異,冇乜邊part睇唔明,但當經歷過對方HR處事方法,以及未到辦工時間就開始辦工(contract上寫9-5:30的),真係唔知係個人問題定係間公司忙成咁。點都好,如果一間公司真係咁需要人,就麻煩縮短自己內部嘅行政時間,唔好拖足個幾月先有一個回應,然後又希望人哋可以即時有答覆俾你。壓力,係你地公司自己做出嚟,唔該唔好轉交落Candidate身上。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新節目《說說心理話》原生家庭對成長有咩影響?改善溝通有計可施?► 即睇

更多花生味辦公室文章
你可能感興趣
#職場 #轉工 #HR #見工 #簽約
編輯推介
即時報價
全文搜索
Search
最近搜看
雙幣交易
聚焦兩會2024
More
Share