高鐵終於公布咗9月23日開通，高鐵有得如期通車，政府上下似乎好高興，香港郵政都決定賀賀佢，今日公布為高鐵發行咗一套紀念郵票，而且9月17日有得賣喇！仲快過高鐵開通呀！

 

 

 

郵票印廣深港三地文化

 

　　話說，上星期運房局局長陳帆（帆哥）仲同大家開心Share高鐵有幾正、政府有幾So，仲話如果大家以後上北京揀搭高鐵，搭夜車仲可以慳返晚酒店錢喎！雖然Jenny覺得差唔多嘅價錢，如果唔怕空管，同想快的話，都係買張平機票搭飛機實際啲……帆哥都話啦官員時間寶貴，可能第時都係搭飛機多。Anyway，搭高鐵可搭通宵車，買紀念郵票斷估唔使排通宵掛。

 

 

 

　　據郵局所講，今次個設計係以高鐵列車貫穿呢套郵票，並且由左至右分別展示廣州、深圳、香港三地嘅文化同地標圖案，列車中段仲有兩隻手拖住，象徵香港同內地嘅交流會隨住高鐵通車之後變得更密切，仲可能攜手開拓新機遇添！

 

　　呢款郵票就一套四張，不過Jenny就覺得個設計就好似將條高鐵切開4份咁，唔太「老黎」囉……

 

　　之不過，設計嘅嘢，Jenny識條高鐵咩！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇