收藏文章 

2018-08-30

開學開支年年升 一個開學日舜仔唔見萬幾銀

  開學日下星期就到,被啲小魔怪折磨咗個幾月嘅爸爸媽媽終於甩難喇!不過喺開學日之前,相信各位爸爸媽媽就先要負上甩難的代價,就係要被書商、校服商劏到一頸血!Jenny有啲做咗媽媽嘅姐妹們都大呻出糧又唔見咁截啦!

 

調查有慣性「收視」道具重用夠環保

 

  民建聯(民記)就年年都喺開學日前整返個開學開支調查,因為有慣性「收視」呀嘛!Jenny仲有印象,上年呢個調查就有張國鈞,拍住當年仲未做立法會議員嘅鄭泳舜(舜仔)開PC,今年就由舜仔擔大旗啦!

 

  舜仔一嚟就話,開學同新年派利是一樣都係「大挑戰」,因為有好多錢要使!佢哋今次個調查就細分咗書簿、書包、校服、校鞋等等逐樣問,多數家長都話書簿費係使費最高嘅一項,所以佢哋嘅建議亦都唔少係針對課本方面。不過Jenny將份新聞稿同上一年嘅比較一下,除咗調查數字之外,似乎冇咩變化咁噃……而佢哋嘅道具簡直係冇變添!(見下圖)好環保吖!

 

 

3個乖囝書簿校服輪往買 舜仔萬幾銀Byebye

 

  舜仔同Jenny講,佢嗰3個囝囝都係讀小學嘅階段,今年嘅開學開支都要過萬:「淨係書簿費都要兩、三千蚊,加埋校服嗰啲已經都要4000蚊一人了」,佢話囝囝們大得快,每兩年又要換一次新校服,不過今年就冇買新書包,都叫做慳返少少,加上三個囝囝都係同校,所以二仔同細仔又都可以「平啲啲」,盡量重用哥哥嘅舊書。舜仔今年榮升立法會議員,人工都翻咗幾番,萬幾蚊書簿費呢啲又算得上係咩呀!不過,囝囝都要記住供書教學唔容易,得閒要攬攬爸爸呀!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
更多言歸政傳文章
你可能感興趣
#開學日 #鄭泳舜 #開學開支 #80後 #立法會 #親子
編輯推介
即時報價
全文搜索
Search
最近搜看
25周年慶
More
Share