收藏文章 

2019-01-02

華仔與粉絲的「一年之約」成唔成事要睇……

  有成8年冇喺香港開演唱會嘅劉德華(華仔)本身諗住2018年喺紅館搞成20場嘅跨年Show,點知就一個流感打敗咗。Jenny除了感嘆特首林鄭「燈力」驚人之外,亦都替之前撲飛撲得咁辛苦嘅粉絲Sad Sad豬呀!

 

 

  嗱!今日演唱會嘅主辦機構就出咗聲明,話而家已經即時向紅館提出今年12月嘅場地租用申請,如果成功嘅話就有得補場喇!失敗都唔緊要,主辦方就會即刻同大家搞退票喇!當然如果有Fans唔想等成年,都可以退票嘅!

 

  不過有飛點都好過冇飛,Keep住張飛一年又可以見到華仔嘅話,相信華仔絕大部分Fans都唔介意好似過兒等姑姑咁等華仔嘅,而且只係「一年之約」啫!最重要嘅係,你估華仔啲飛易撲㗎?有唔少Fans係華仔取消演唱會後都自爆自己係買黃牛,一退票就蝕到入肉。網上有花生友都笑,華仔今次係身體力行反黃牛,仲有力過政府做咁多嘢添吖!

 

  之但係要等一年,如果到時張飛甩色咁又點算呢?Jenny就覺得如果有實名制,或者就可以避免喇!不過政府都係啱啱開始Sell實名制,上次推《施政報告》時林鄭就話同團結香港基金「冇夾過」話推銷填海,但係就同佢哋同華仔不約而同齊唱好;唔知華仔今年會唔會認真同政府夾下,齊齊推銷下實名制呢?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
更多言歸政傳文章
你可能感興趣
#劉德華 #演唱會 #紅館 #紅館 黃牛飛 #實名制 #林鄭 #林鄭月娥 #燈神 #退票
編輯推介
即時報價
全文搜索
Search
最近搜看
25周年慶
More
Share