今日係元宵節，即係轉眼年十五喇！各黨派嘅新春團拜都舉行得七七八八，今日就到新民主同盟趕喺Deadline之前同行家們拜年。適逢元宵，一班大男人一於喺立法會下廚，真係煮幾粒「元宵（湯圓）」畀大家食！

 

 

新民主同盟全男班陽氣極盛，Jenny好想知幾時會有「小花」出現中和下呢?

 

咖哩飯親手煮湯圓 拉埋單程證來講

 

　　立法會冇得明火煮食，新同盟范國威（咖哩飯）同埋佢哋黨班區議員及召集人就搵咗個電磁爐，親手煮湯圓招待各位行家。雖然Jenny呢排矢志減肥，湯圓卡路里又高，但有人煮好送到面前，唔食又好似太唔俾面嘅！咖哩飯仲教Jenny點睇湯圓熟咗未，原來滾水落湯圓之後，煮到佢浮起再等兩分鐘就食得喇！Jenny都要記一記低，今晚煮返幾粒孝敬下爸爸媽媽先！

 

　　今日除咗係元宵，原來亦都係其中一個新民主同盟召集人周炫瑋嘅生日，佢就即席許下生日願望，話希望新民主同盟喺今年區選可以大獲全勝、香港可以取回單程證審批權同埋減少單程證配額，畀醫護人員喺元宵佳節同埋新一年有得多啲同家人、愛人團圓喎！

 

 

咪睇咖哩飯笑騎騎，其實佢好驚滾水彈出嚟。

新同盟唔怕得罪新移民？

 

　　講起單程證，大家都知呢個係新民主同盟嘅主打議題，不過區選就到，新移民都係票源嚟㗎噃！另一位召集人兼大埔區區議員任啟邦（阿邦）就話，佢哋反而冇乜收到關於歧視嘅投訴，而且啲街坊都好支持佢哋，因為而家北區、大埔同埋屯門醫院，由於近內地，就要食埋跨區嘅醫療需要，令佢哋苦不堪言。

 

　　阿邦仲強調，其實取回單程證審批權同埋減少配額，並唔係等同歧視新移民，佢哋嚟到香港都會視佢哋係香港人，但問題係而家香港嘅承載力不足，就好似排隊排滿咗要截龍咁，係人之常情嚟。不過，佢哋都好頭痛而家啲對手係咁用呢個Point嚟抹黑佢哋喎！梗係啦！一句口號話咁易就入咗腦，但係要解釋返就十句都唔夠講喇！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇