收藏文章 

2019-03-28

劉燕卿榮休 乜嘢工作態度令佢最嬲?

  申訴專員劉燕卿(Connie)月尾就任期屆滿喇!雖然話係月尾,不過今個月3031號係星期六日,所以Connie返埋聽日(29日)就榮休了。臨別依依,Connie都同傳媒朋友舉行咗個茶聚,回顧下呢5年任期做咗啲咩,同埋對下一任專員有咩寄語等等。

 

 

 

主動調查每年612

 

  Connie話,自己覺得可以擔任申訴專員嘅工作係一件好榮幸嘅事,而且喺呢5年工作入面冇乜遺憾,仲好開心可以將發表主動調查嘅數量由佢啱上任嘅每年6單,翻咗一倍去到呢兩年嘅每年12單喎!Jenny覺得佢完體現咩叫敬業樂業

  佢亦都有信心就算佢退任之後,數量都唔會點變。佢又寄語繼任人、前警務處副處長趙慧賢,要秉承返公署嘅「公平、公開、無私、無畏」精神喎!



人手不足就唔去做 世上邊有咁便宜嘅事

 

  不過講起調查嘅困難,Connie就話希望政府盡快立公開資料法(檔案法),事關佢哋做調查嘅時候,周不時都遇到有政府部門會以「冇資料啊」、「編制資料要好多人手資源啊」、「涉及第三方啊」嚟拒絕,雖然而家有啲部門守則容許佢哋用呢啲理由拒絕,Connie就覺得今時今日咁嘅工作態度係唔夠嘅!佢講起都有啲激動,話如果件事涉及重大公眾利益,政府就唔應該拒絕公開,而且啲資料政府部門自己都有用,咁先可以知道發生咗咩事,冇理由因為人手理由而唔做㗎嘛!Jenny心諗,講得啱呀!冇人就唔做嘢,咁冇野有人做啦!政府唔該認真諗諗佢啦

 

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

更多言歸政傳文章
你可能感興趣
#申訴專員公署 #檔案法
沒有相關資料。
編輯推介
即時報價
全文搜索
Search
最近搜看
雙幣交易
聚焦兩會2024
More
Share