收藏文章 

2019-04-12

2018年圖書館借閱排名出爐!香港人鍾意XX書唔出奇

  大家最近睇嘅一本書係咩書呢?Jenny身為知識份子,手袋入面梗係要袋住一本細細本嘅小說,閒來無事揭兩頁,增加一下文學修養嘛!不過,聽聞而家好多人都已經唔睇書只睇手機,Too bad!

 

 

 

金庸、亦舒著作不朽

 

  而呢排立法會就開緊特別財會討論緊《財政預算案》,問到民政事務局嘅時候,就有一條係關於公共圖書館嘅借閱量嘅查詢。Jenny睇返局方列咗個表,即刻同大家開心Share先!

 

 

  喺上年10月逝世嘅文學泰斗金庸先生,佢嘅作品《射鵰英雄傳》連續三年登上「成人中文小說類書籍」榜首,有過萬人借閱,而佢另外4部作品亦都榜上有名。而著名香港小說及散文女作家亦舒,亦都同金庸先生平分秋色,都有5本作品上榜。換言之二人已經稱霸今年嘅排行榜了。

 

香港人究竟有幾愛日本

 

  至於成人中文非小說類書籍方面,Jenny記得上年十大入面有九本都係旅遊書,仲有一本就係DSE嘅中文科Past Paper,只能夠感嘆一句,香港人真係「去旅行,去到盡」!

 

  點知去到今年,連Past Paper都唔見埋,榜上全部都係閃令令嘅旅遊書!而且十本入面有九本都係講日本,剩低一本就係澳洲……睇嚟香港人唔只係去旅行,直情係「去日本,去到盡!」,難怪啲網民成日都話日本先係自己鄉下喇!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新etnet健康網購,送你【健骨維他命D3(1000IU)】乙樽(價值$108)► 立即行動!

更多言歸政傳文章
你可能感興趣
#金庸 #亦舒 #射鵰英雄傳 #旅遊書 #日本
編輯推介
即時報價
全文搜索
Search
最近搜看
雙幣交易
貨幣攻略
More
Share