呢排香港最紅嘅女人之一，如果我話係近日大鬧法庭嘅內地女唐琳玲，相信應該都唔會太多人有異議。佢呢幾日可謂係佔盡各大報章嘅版面，審極未完之下，轉眼就「玩」咗差唔多一個禮拜喇！呢啲社會熱話，花生大大粒，點會小咗Jenny份呢！淨係睇唐小姐呢幾日同陳慶偉法官嘅對答，簡直令人嘆為觀止！呢啲正嘢「不能只有我看到」！Jenny就精選幾句啜核對答，畀各位重溫重溫啦：

 

 

【霸氣側漏篇】

 

唐：「我喜歡拍照就拍照，我喜歡的話可以跟你（法官）合照！」

 

唐：「這只是一件小事！」

陳官：「這是一件大事！」

 

唐：「你說我錯，你都要說他們錯！」（指有人在庭內飲食同上網）

 

唐：「法援代表不夠我專業！」（拒絕法援時聲稱）

 

唐：「希望可以盡快解決案件，不想浪費法庭資源。」

陳官：「Me too（我都係）……」

 

【「難分真假」篇】

 

唐（對翻譯員）：「法官叫你Stand Up（站起來）﹗」（法官其實係講「Speak Up」）

 

唐：「我拒絕艾勤賢作為我的代表律師，他向傳媒透露我的個人資料，我質疑他的專業。」（然而艾勤賢冇應承過做佢代表律師……）

艾勤賢：「……She is crazy.（佢係傻的嗎？）」（頂唔順拂袖走人）

 

陳官：「你有沒有精神病紀錄？」

唐：「沒有！絕對沒有！」

 

【虔誠愛主篇】

 

唐：「昨天我跟Jesus（耶穌）交談了一下，祂認為我是無辜的。」

 

唐：「Jesus認為我沒有拍照，拍攝和錄音都是法官容許的。」

 

　　陳官話晒都叫見過「好多」世面，既曾經係調查鉛水事件委員會主席，又審過前特首曾蔭權被控行政長官接受利益案、佔旺藐視法庭案，判過黃之鋒等人坐監㗎！唐小姐喺呢單「藐視法庭中藐視法庭案」中金句百出，咁就玩轉身經百戰嘅陳官！雖然身為女人，有時真係覺得孔子講得幾啱：「唯女子與小人難養也」！話唔定喺陳官眼中，呢位女子應該仲恐怖過班「暴徒」喇！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

全新節目《說說心理話》青少年不可以戀愛！？真實個案講述驚心動魄經歷► 即睇