【晴報專訊】鮑起靜（鮑姐）在亞視舊拍檔陳展鵬穿針引線下，正式過檔無線，頭炮參與拍攝的劇集正是重頭劇《同盟》，與陳展鵬再續母子情；另一邊廂，有傳展鵬以古法追求胡定欣，但兩人口徑一致表示未撻着，又指傳緋聞後合作拍劇也不會尷尬。

鮑姐表示，拍了幾日外景戲也頂得順。

　　鮑起靜昨日首度現身將軍澳電視城，出席無線新劇《同盟》開鏡儀式，首次參與無線劇的拍攝，鮑姐笑謂：「仲係一生人第一次入無線，爸爸（鮑方）曾經為無線工作幾廿年，本身對TVB亦有一份感情。」鮑姐笑言電視城真的很大，曾擔心會迷路。原來她今次拍重頭劇，是由陳展鵬促成美事，鮑姐指曾擔心現在拍劇會辛苦，不過藝員科向她承諾會照顧老人家。

展鵬否認古法追定欣

定欣認為感情最緊要睇緣份，即係展鵬仲有機會？

　　陳展鵬被指以「古法媾女」方式追求胡定欣，他笑言：「好彩佢唔係講古法乜乜，唔係就瀨嘢啦！」他強調緋聞不是真的，開工見到定欣也不會尷尬。至於定欣對展鵬用「古法」追求一事，她笑問：「咩叫『古法媾女』？唔覺展鵬追我喎，大家一齊睇演唱會啫！女仔都恨有人追，但做女仔都要有矜持。」她重申追求者不用天花龍鳳的招數，順其自然便可。

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情