【晴報專訊】蘇永康（阿公）自從囝囝Jazz出世後，不時把精靈可愛BB相Po上網賣萌。由於阿公相識滿天下，做得Jazz契爺的位位夠分量，阿公不諱言為囝囝揀契爺確要諗過度過。

 

Jazz樣子活潑，氹得契爺陳奕迅好開心。

 

　　蘇永康昨日擔任《慧妍雅集》慈善音樂會表演嘉賓，他表示最近多參與小朋友及長者活動，甚至會帶埋兒子Jazz一齊，笑言是父憑子貴︰「佢係萬千寵愛在一身，囝囝令我嘅IG喺一年之內多咗萬幾人follow，但我唔會呷佢醋。」

 

蘇永康認為教導小朋友要有獎有罰。

 

　　由於Jazz目前是獨生子，阿公要他上Playgroup習慣群體生活。「佢開始扭計，有時喊會冇眼淚，我心諗你老竇我做戲，咪同我揸流攤。」有時亦試過打pat pat懲罰他。阿公又自認攻心計，笑言為兒子搵契爺都是千挑萬選，例如有個億萬富豪陳奕迅及哲學家黃子華，他笑言︰「一個在錢銀上支持，另一個可以幫手研究問題。」

 

陳法蓉曾遭批踭

 

陳法蓉趕返港出席慧妍活動。

 

　　「慧妍」成員陳法蓉自爆曾被「隔籬台」選美佳麗批踭，她表示︰「我拍過一部慈善電影，同第二個台得獎佳麗一齊，綵排時無乜嘢，到正式埋位時畀人一踭鬆開講對白，但拍出嚟發覺呢個動作好自然。」

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情