世事政情

2018-01-04

囡囡潮戴Baby假髮成童年陰影奶爸張繼聰︰等我頂上

　　【晴報專訊】下周四踏入38歲的張繼聰，昨晨於FB發相分享湊女樂，他替十個月大的細女張靖戴上「疑似」太太謝安琪添置的長假髮拍照，豈料囡囡勁不滿意更即場喊出嚟，阿聰及時犧牲自己將假髮戴上，炮製18年版「城市驚喜」。不少網民熱捧這位奶爸體貼又暖心，直指父愛真偉大！

　　近年在無綫撈得風生水起的張繼聰，原本拍劇一部接一部，不過，由於其所屬經理人公司與TVB的官司糾紛仍未完結，所以阿聰縱使甚具觀眾緣，亦受到牽連，他與同公司的欣宜慘遭無綫封殺，阿聰在本月中舉行的《萬千星輝頒獎典禮》，更連一個獎項提名也沒有，其參演的台慶劇《誇世代》於本月中播畢後，他亦將絕跡無綫。

張繼聰和謝安琪早前到日本旅行，兩公婆不忘將合照上載到社交網放閃。

　　日前阿聰攜同十歲大仔張瞻現身活動，他坦言未知何時可以再為無綫拍劇，並透露今年主力拍攝電影及網劇，他苦笑道︰「大家想睇我就睇埋呢兩個星期《誇世代》吧！」未知阿聰是否工作大減，近日他不時帶家人遊山玩水及當湊仔公，昨晨更Po了多張與囡囡的照片，打造奶爸形象。阿聰在FB發布的多張照片所見，除了幫其前世情人戴上長長假髮，他亦化身70年代最潮的長髮Band友，令張靖又喊又笑，畫面充滿愛。阿聰留言︰「原來家下好興買d（啲）Baby假髮，嚟幫d（啲）小朋友影下城市驚喜，點知依（呢）位小姐唔鍾意……為咗唔想媽咪失望，依（呢）單嘢，我頂‍ #童年陰影系列」。