【晴報專訊】甄子丹昨日以「打吡大使」身份出席《2018寶馬香港打吡大賽》參賽馬匹名單公布會，太太汪詩詩拍片要求子丹做出拿到打吡賽大獎時的表情，子丹冧爆表示太太是他的CEO，獎品會全部交給太太，自己則只要獎杯，兩公婆隔空大曬恩愛。

甄子丹指自己無論拍電影或家庭都是全力以赴，最重要是珍惜和享受過程。

　　子丹表示事前並不知道太太會拍片，對於她為何會叫自己做表情，子丹笑言︰「可能我喺佢面前永遠都係Yes Man，唔知我唔喺身邊時會係點，不過無論喺面前定背後都係Yes。」而上月情人節，子丹送了一大紮紅玫瑰花給太太，問他於下周白色情人節會否安排節目？子丹即表示幾乎所有節日都會送花給太太。「我使好多錢去買花，一年都有十幾次。」

甄子丹和汪詩詩人前人後都十分恩愛。

　　他笑指雖然做錯事都會送花，但次數已經愈來愈少，太太有否投訴自己不夠浪漫？子丹直言︰「佢投訴，代表佢仲好愛你。（想佢投訴你多啲？）唔好喇，夠喇！依家我啱啱承受到。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情