正值榴槤旺季，想必大家都已經吃了不少當造榴槤。然而榴槤品種繁多，「貓山王」、「紅蝦」大家可能吃得多，「葫蘆」和「柔佛黃金」又試過未？今年原來還有一款新品種在香港新登場，叫「海龍王」，名稱頗為霸氣，至於外形、氣味、味道、口感和其他榴槤品種有何不同？即刻聽「榴槤王子」Danny Ho點評啦！

 

 

　　有「榴槤王子」之稱的Hotel ICON行政總廚何偉誠（Danny Ho），來自馬來西亞，所以對榴槤非常熟悉，找他來介紹這5款馬來西亞榴槤品種，實在是再適合不過！令人更驚喜的是，Danny還親自教大家點揀靚榴槤！

 

（由右至左）D197貓山王、D175紅蝦、D163葫蘆、D101柔佛黃金、海龍王

 

即睇5款馬來西亞人氣榴槤（由濃至淡味排列）：

 

1. D197貓山王

 

　　「貓山王」絕對是香港人最熟悉的榴槤品種！它出名味道濃、果核小，吃下去時啖啖果肉，口感綿密軟糯。Danny笑指，試過有人向他「投訴」貓山王味道苦，感覺像變壞了，但其實貓山王本身是樹上熟的品種，熟透時會有甘香或酒味，「只要是真正榴槤愛好者，就會知道這才是靚榴槤！」

 

2. D175紅蝦

 

　　來自檳城的「紅蝦」，果肉呈橙紅色，味道濃度比貓山王低一級，甜中帶甘，且有淡淡奶油香氣，加上口感綿密，所以也受到不少「榴槤控」熱捧。Danny說，紅蝦的果核較大，而且果核有一層衣，不少人吃完果肉後都會慢慢啜核、咬開核衣，「吃上去會有QQ的口感。」

 

3. D163葫蘆

 

　　榴槤如其名，「葫蘆」的外形和果肉都呈長形，猶如葫蘆。其特點是，果肉香軟厚實，味道香甜，有人說像朱古力味；價錢相對其餘4款榴槤較大眾化，CP值很高！

 

4. D101柔佛黃金

 

　　「柔佛黃金」的果肉呈深黃色，甜味非常突出，口感細滑易入口；如果不愛吃味道濃重的榴槤，這會是最佳選擇！

 

5. 海龍王

 

　　首次在香港登場的「海龍王」，是Danny特意從家鄉馬來西亞嚴選再直送到港，暫時只有在Hotel ICON才有機會吃到！Danny介紹：「這款榴槤的果肉顏色呈淺黃及橙色，看上去有點像大理石，纖維比例較多，果核大；至於味道，比上述4款榴槤更清香，最啱榴槤初哥！」

 

下頁睇揀靚榴槤秘訣

 

• 

全新節目《說說心理話》青少年不可以戀愛！？真實個案講述驚心動魄經歷► 即睇

• 1
• 2