如果要選出香港最有文化藝術氣息的地方，你會怎樣選？PMQ？南豐紗廠？大館？我就會選西九文化區！兩個世界級博物館M+和故宮博物館將會在今年年底和明年陸續開幕，令人好期待！旅發局最近就推出新一輪「小城大區」推廣西九龍，設計了5條路線帶大家深度遊西九，超過50個景點，有得食，有得打卡，有得睇藝術品，不妨趁中秋假期或者這個周末去走走喇！

 

路線一︰邂逅古今建築

 

　　眾所周知，西九龍除了可以堪稱為一個國際級藝術中心之外，它亦稱得上是香港最古老的街區之一！西九龍承載著濃厚的歷史文化，所以旅發局所設計的第一條路線就會帶大家穿越大街小巷，齊齊探索維多利亞哥德式、新古典主義等建築，對歷史感興趣的你你你絕不可以錯過！

 

精選景點︰

 

1. 古典X藝術︰油麻地戲院

 

　　第一個必去的景點就是位於窩打老道和新填地街交界處的油麻地戲院。這間隱身於鬧市之間的戰前戲院於1930年落成，1998年結業，正門的左右兩邊豎立了刻有不同表情面譜的門柱，拱門混合了古典和藝術風格，在高樓大廈的旁邊有這樣的建築物，非常特別！

 

油麻地戲院自2012年活化後，目前已經成為專門推廣傳統戲曲文化的地方。

（圖片由旅發局提供）

 

地址︰油麻地窩打老道6號

 

2. 香港老式建築︰上海街176至178號

 

　　講起油麻地，大家都會想起「油麻地果欄」，果欄固然有其特別之處，但是香港的老式建築——「騎樓」都值得停低睇一睇！在上海街176至178號，有一棟建於1940年的唐樓，翻新過後，一樓仍保留了富有香港味道的德生大押，唐樓的兩邊更保留了「蝠鼠吊金錢」的霓虹燈招牌，早上或是入夜後去影相都有不同的味道！

 

所謂的「騎樓」，即是一種二樓露台跨在一樓商鋪之上的建築，真是買少見少！

（圖片由旅發局提供）

 

地址︰上海街176至178號

 

下頁睇其餘4條路線

 

• 

etnet榮獲HKEX Awards 2023 「最佳表現證券數據供應商」大獎► 了解詳情

• 1
• 2
• 3