【晴報專訊】商台的《叱咤》頒獎禮前晚落幕，全晚最爆的並非賽果，而是兩大表演嘉賓謝霆鋒、陳奕迅（Eason）霸氣回歸，二人先後大唱經典舊作，片段在網上洗版。很多樂迷高喊集體回憶返晒嚟，跪求近年轉揸鑊剷的Chef Nic揸番結他；有人亦期望Eason唱多些廣東歌，再做K歌之王！

 

 

　　近年專注在內地炮製《12道鋒味》的霆鋒，上次現身《叱咤》舞台已是16年前的事。商台天大面子找來久違了的霆鋒為頒獎禮揭開序幕，他孭著結他Rock爆登場，隨即聯同Band仔Supper Moment、觸執毛等邊Chok邊唱其千禧年快歌《活着Viva》，又有獻唱《玉蝴蝶》及新作《有火》。雖然霆鋒未有表演單線Solo及扔爛結他的招牌動作，但難得Chef Nic在香港獻聲，全場也不禁High爆站起來。除了現身叱咤外，霆鋒將於1月20日在高雄出席KKBOX風雲榜演出。

 

霆鋒昨午Po《叱咤》的綵排片段到社交網上，並留言︰「唔知點解，rehearsal嘅演出永遠都係順過出場！」

 

Eason自誇唱歌最易

 

霆鋒在後台跟所有《叱咤》獎項合照，未知道明年的《叱咤頒獎禮》可會見到他上台領獎？

 

　　其後，《叱咤》臨近尾聲時，輪到林海峰（Jan）出場，個個以為他會以「是但噏」方式道出過去30年《叱咤》的重要時刻，想不到他卻選擇以旁白方式介紹Eason過往的金曲，並配上「那些年」的得獎片段，緊接著Eason唱著其1998年作品《我的快樂時代》，以壓軸嘉賓身份亮相，震懾全場。之後，他再演繹舊曲《天下無雙》、《陀飛輪》及《K歌之王》的medley，帶起全晚高潮。

 

陳奕迅笑指與林海峰（右）及何丙（中）在台上的演出，激發他的腎上腺，但整體表現已經為樂迷帶來無限歡樂。

 

　　很多樂迷也讚嘆《叱咤》有兩位樂壇大師兄加持，完勝星光黯淡的《勁歌》及《勁爆》頒獎禮；有人更聲言當晚青春回憶返晒嚟。

 

陳奕迅演出後上載自拍短片上網，跟樂迷分享演出後感想。

 

 

　　Eason昨晨在FB上載《叱咤》頒獎禮當晚的後台訪問片，他笑言演出時有點緊張，並稱︰「上去呢個《叱咤》（舞台）幾好吖，有啲腎上腺素嘅郁動，都算完整完成個演出咁！阿丙（鋼琴伴奏何丙）好嘢，阿Jan都好好嘢，佢嗰啲（旁白）好難背，因為要夾Timing講嘢都幾有壓力。我就最易囉，因為我企喺度唱歌咋！」

 

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇