【晴報專訊】Angelababy昨日出席「抱抱財神」活動，很久沒有在香港出席活動的她，一身紅色打扮甚有過年氣氛。Baby透露新年會陪老公曉明返青島度歲。

 

「抱抱財神」已成Baby指定的賀年動作。

 

　　今年已是第十年參與「抱抱財神」活動的Angelababy，昨日自爆去年因為待產關係，未能親身出席抱財神，並把這個重任交由老公黃曉明代勞。「上年雖然無法現身，不過財神都有嚟屋企畀我抱抱，上午抱完，夜晚已經作動喇！」Baby笑謂十年前首次抱抱財神，那時她還未結婚。

 

Angelababy透露暫時會安排囝囝在上海讀書。

 

　　囝囝小海綿上個月剛滿一歲，問她可有考慮追多個孩子？Baby說︰「過多幾年先，老公好鍾意女，成日話個仔似我，如果生女就似佢。其實囝囝性格幾open，似我老公。」

 

羨慕蠟像無皺紋

 

Baby笑言其蠟像（右）眼神與她真人最相似。

 

　　另外，Baby之後再移師上山頂香港杜莎夫人蠟像館，為她的蠟像進行揭幕禮，Baby更換上當日度身時所穿的裙現身。問到真人同蠟像誰更靚，Baby指很難比較：「一樣咁靚，但十年後蠟像會冇皺紋，好羨慕。」她表示想帶囝囝來跟她的蠟像合照，可能十年後再回來影。Baby又指以前有擔心過變老，但後來覺得只是一個過程。

 

　　至於經常被指個樣有不同版本，問她蠟像屬哪個版本？Baby笑指：「呢個係Baby X，好似美圖手機咁樣。」蠟像與真人比較下，真人顯得更瘦，她話：「當日度身時剛剛生完BB，依家瘦咗一個碼，朝早返工夜晚湊仔好辛苦。」

 

轉載自: 晴報

• 

WoW WoW星期三：健康網購產品低至$99 (只限今天)► 立即行動