【晴報專訊】吳若希（Jinny）誕女復出一段時間，人氣不減，反而吸納更多fans。她又透露跟老爺奶奶商量過，將會安排女兒在港入學。

吳若希

　　吳若希昨日在銅鑼灣皇室堡出席活動，並即場唱了兩首歌，歌迷叫囂聲震天。談到女兒淼淼目前十個月大，她計劃等囡囡一歲時帶同老爺奶奶由澳門來港，一起影全家福。早前Jinny亦透露將從澳門搬回香港，她說︰「同老爺奶奶傾過，將來小朋友會喺香港讀書，始終師資教育比較好，而佢哋都會搬嚟香港住，等港珠澳大橋通車就方便好多。」

　　稍後，吳若希將接拍無綫新劇《多功能老婆》，有機會跟楊千嬅、周柏豪合作。她笑言︰「返嚟拍劇，係想話畀大家知，我唔係『唔憂做』。」她又希望盡自己的責任，以及做女兒的好榜樣，所以會努力做好幕前工作。

爆老爺係fans

Jinny玩遊戲時盡顯童心一面。

　　問她會否擔心減少時間陪囡囡？Jinny續稱︰「呢套係合拍劇，每日都係得一組戲，時間可遷就到。」她笑言拍劇最開心反而是老爺奶奶，「有日聽到佢（老爺）喺房唱我嘅歌，唱咗一句就好冷靜出嚟食飯，扮若無其事，好搞笑。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情