2018-12-13
Eason廣州發布會 首播盧凱彤作品MV
【晴報專訊】eason and the duo band《L.O.V.E.》新專輯發布會,昨日於廣州舉行。陳奕迅(Eason)與Duo團隊部分成員王雙駿、恭碩良、蘇德華、孫偉明及翁瑋盈亦有出席。
Eason指新碟成本比預期高一倍,已唔敢諗回本。
陳奕迅(Eason)與Duo團隊於2010年成軍,花了兩年時間在世界各地開了66場演唱會。事隔八年推出新專輯《L.O.V.E.》,Eason表示很慶幸遇上一班傻人跟他一起做傻事,但專輯推出後,他坦言有點失落︰「之前有人問到Duo Band嘅下一步,好大件事,阿妹(盧凱彤)走咗,已經唔完整。就算有都係紀念音樂會,唔會再有第二隻碟。」
下一步如何走
Eason與Duo團隊部分成員出席新專輯發布會。
期間首播由孫偉明及盧凱彤共同創作的歌曲《海裡睡人》MV,由動畫拼湊而成,結尾盧凱彤拖着Eason飛出困境,最後留下Eason及一根羽毛。事有湊巧,MV播放完畢後,Eason發現台上有一根羽毛。Esaon說︰「依家所有嘢都係為佢(盧凱彤)而做,我睇咗六、七次Duo Band嘅記錄片,開始適應佢唔係度,但當然永遠都唔會適應。好彩嘅係記錄咗佢嘅聲音同影像,我夠膽講,阿妹喺Duo Band時係好開心嘅!」他又指下一步可能是紅館跨年騷,「入咗紙要下個月先知,最衰口快快講咗出嚟,開唔到咪好瘀!(競爭對手是謝霆鋒?)佢都無同我講過!我可以跟霆鋒一齊開,個場一人一半,分兩邊鬥大聲!」
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇