【晴報專訊】容祖兒假紅館舉行的19場個唱於前晚落幕，她天大面子邀得黎明（Leon）壓軸登場做嘉賓，當見到黎天王時，如同小粉絲般忘我狂笑。二人除了合唱金曲，又乘機互動大放笑彈。很多樂迷喜見天后與天王破天荒合作正到爆；有人亦大讚祖兒的嘉賓卡士太強大了！

 

 

　　入行20年的祖兒在《PRETTY CRAZY JOEY YUNG CONCERT TOUR》演唱會中，邀得不少份量十足的表演嘉賓，繼張學友、劉德華、古天樂等巨星輪住撐，前晚壓軸尾場更為觀眾帶來驚喜，竟然邀得黎明大駕光臨。Leon出場前，祖兒已化身小歌迷︰「呢位嘉賓係我㗎，代表住我嘅青春。」她邊講邊行到台中心踎低地上，然後說︰「我暈啦。」之後她唱出一段《夏日傾情》並介紹黎明出場，登時觀眾的歡呼聲震天。

 

黎明畀面做嘉賓，令視Leon如童年回憶的祖兒開心不已。

 

　　容天后與黎天王合唱《夏日傾情》期間，祖兒不停叫︰「Leon！Leon！我控制唔到自己呀。」黎天王則直言︰「10點52分，兩個創舉，平時我演唱會10點半已經完；依家10點半我應該陪緊個女瞓覺。」祖兒聞言即尷尬回應︰「唔好意思，阻你湊女。」

 

自爆六年班睇《原振俠》

 

　　祖兒在台上自爆，今年初在一間日本餐廳內巧遇黎明，她便立刻邀請他做個唱嘉賓，想不到對方一口答應︰「當時見到你真係好好彩，無啦啦見到黎明。」身旁的黎天王立即發揮金句王本色︰「因為夜晚見到黎明係咪？充滿朝氣！」即時全場觀眾笑爆嘴。

 

　　祖兒更盡數自己在青春時代對黎天王的回憶，戲言睇對方主演的劇集《原振俠》時，她仍讀緊六年班，令Leon表現尷尬。最後，她醒目報答黎明，指旗下藝人JC即將推出新唱片，呼籲觀眾要多多支持。其後二人再合唱Leon的作品《傻癡癡》。

 

城城外地工作無暇撐場

 

　　此外，祖兒在尾場豁出去，從8時多唱至凌晨12時35分。至於前晚連同之前18場的超時罰款，保守估計逾100萬港元。網民高喊祖兒請到Leon做嘉實確實PRETTY CRAZY；有人亦取笑祖兒見到黎天王，天后秒速變粉絲。

 

祖兒在慶功儀式上與媽媽興奮攬攬，更預告三年內會再開個唱。

 

　　完騷後，祖兒受訪時稱19場嘉賓皆由她邀請，首場請到張學友是因大家都跟同一個健身導師。她笑謂︰「很多我仰慕嘅巨星都好錫我，唔知我前世做咗乜好事。」談到四大天王獨欠郭富城，祖兒直言曾邀請過城城，但撞正對方拍廣告不在港，故未能擔任嘉賓，最終四大天王仍是三缺一。

 

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇