【晴報專訊】謝安琪（Kay）一連四場的紅館演唱會明晚正式開鑼，今次演唱會除了一反傳統，以故事形式詮釋外，Kay亦呼籲樂迷勿帶熒光棒、燈牌、吹氣棒及哨子等入場，希望營造一個寧靜環境，讓樂迷欣賞這個不一樣的紅館騷。

Kay早前往意大利出席時裝騷外，亦抽空為演唱會拍攝短片。

　　睽違三年，謝安琪將於明晚至12日假紅館舉行《FILA Presents:kay...isn't me. Live 2019》演唱會。為了打造一個嶄新的演唱會，Kay在每一個環節都花盡心思，力求完美。Kay預告今次個唱將會反傳統，演繹方式有別於過往，既是音樂會，但更像一個故事詮釋。她說︰「今次主題叫kay...isn't me，係關於一啲我閱讀自己心靈上嘅感受，好想同大家分享，演唱會呈現方式會類似音樂劇，無對白，全部用歌曲去表達，歌單係自己用了三個月去揀。好多謝Juno（麥浚龍）為咗我今次呢個演出，拍咗好多段短片，去呈現出呢個主題。」早前Kay去了四日三夜米蘭之旅，除了為品牌睇騷外，亦抽空在當地搵靚景拍攝短片。

分享心路歷程

　　為了使入場觀眾可以置身寧靜和充滿想像力的空間，Kay說︰「我之前已經呼籲歌迷會，唔好準備熒光棒、燈牌、吹氣棒、哨子呢啲打氣工具，目的係希望觀眾可以細心欣賞我哋為大家準備呢個咁不一樣嘅紅館演出。試想像你入戲院，一熄燈，你就已經有心理準備，透過黑暗和寧靜，進入一種意念裏面，而你嘅感觀都會突然變得敏銳。」

演唱會主題曲《773312》宣傳照有個Kay的機械人頭，風格詭異獨特。

　　另外，Kay演唱會的主題曲《773312》日前已派台，新歌用上大量的電子樂器，有別她近年歌曲風格，亦配有一張剩下機械人頭的Kay宣傳照。至於一串不明的數字歌名，是與Kay近年的「董折和浦銘心」的歌曲系列有關，亦再次與Juno有一段浪漫情節。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇