【晴報專訊】余香凝、鄭浩南、朱慧敏及胡子彤等，昨日在佐敦出席ViuTV新劇《地產仔》開鏡拜神儀式。單身的余香凝早前在Super Girls成員Jessica的婚禮上接到花球，她笑言搵對象除了合眼緣，有時都要夾啱身上氣味，莫非真是「臭味相投」？

 

余香凝新劇演女高層，已向劉嘉玲的電影偷師。

 

　　余香凝在新劇《地產仔》飾演地產公司分區經理，亦是一位擁有女強人氣場的單親媽媽，卻被取笑樣子不夠惡死。她解釋︰「為咗更加似女強人，之前已經睇晒劉嘉玲、江美儀嘅戲做參考。」她又表示飾演地產公司經理，令她有動力要30歲前買樓，「今年26歲，仲有幾年時間努力賺錢，喺事業上衝刺，希望買層樓畀媽咪。」

 

　　另外，談到余香凝日前赴台灣出席Super Girls成員Jessica的婚禮，並成功接到花球，她笑指︰「我係搶嘅，大家都知道我心急，嗰晚去到after party都有男士主動搭訕，但可能不合眼緣關係，所以無睇啱嘅對象。其實我都好矛盾，呢啲要講緣份，有時可能靠種氣味吸引到，聞到陣味就係佢，哈哈！」

 

朱慧敏遇男神被電暈

 

鄭浩南移居大馬多年，他表示在港已沒有物業。

 

　　久違了的鄭浩南最近返港拍劇，在劇中飾演地產公司老闆，並與朱慧敏有感情綫。朱慧敏表示︰「劇情講我哋係青梅竹馬，我暗戀咗呢個哥哥好耐。（有冇親熱戲？）無床戲、無咀戲，我都係因為咁才接拍。」她直認首日開工即被「男神」電親，「佢真係keep得好好，導演覺得我哋有火花，依家諗緊加戲。」

 

朱慧敏為ViuTV拍劇，期望會加戲份。

 

　　對於被朱慧敏封為「男神」，鄭浩南卻搞笑回應︰「唔係啩！我都無乜望過佢，佢客氣啫。年紀大驚身體唔好，所以習慣控制飲食，同埋多做運動，依家以打網球為主。」他補充說今次返港預計留十日，之後返大馬陪小朋友，然後再返港繼續拍。

 

轉載自: 晴報

• 

WoW WoW星期三：健康網購產品低至$99 (只限今天)► 立即行動