加入最愛專欄  收藏文章 

2019-11-22

揭患腦膜炎經歷 韓馬利︰一隻腳叉落鬼門關

  【晴報專訊】韓馬利(Mary姐)今年八月患上腦膜炎,幸好休息養病後已漸漸康復。走出鬼門關的她昨日精神奕奕出席蘇志威的舞蹈學校活動,她坦言與病魔搏鬥時十分辛苦,後來更患上抑鬱症,幸得丈夫杜燕歌悉心照顧。

 

韓馬利坦言記性比以前差,現時要同時看中西醫調理。

 

  韓馬利昨日重提患病的日子,仍猶有餘悸︰「依家好咗好多,醫生話我一隻腳叉落鬼門關再拉番我上嚟。」她表示最初發燒兩天,以為小事,後來看醫生後即要入院︰「之前我不省人事,昏迷咗個幾星期。朋友話我好番係好彩,咁大年紀腦膜炎其實好危險,唔好以為兩三日唔退燒無乜嘢。」

 

嘗試享受慢活

 

  Mary姐感激老公杜燕歌一路陪伴和照顧︰「嚇死佢呀,結咗婚30年未見過佢咁驚,好緊張好細心。」她在治療期間曾吊藥三星期,身體乏力又出冷汗,後來更發現患上抑鬱症要看醫生︰「我食緊血清素,要食半年,依家個人反應好慢,最少要半年先回復到。」她自言病發時輕了七公斤,現已增回五公斤︰「朋友叫我開心啲,但情緒低落自己控制唔到,食嘢都吞唔落。」大病初癒,她表示日後會享受慢活,亦感恩自己現在食得瞓得。

 

譚嘉荃得悉粉絲對個唱改期感失望,但仍繼續支持她。

 

  同場的譚嘉荃原定昨晚補辦處女個唱,但無奈決定再度延期至明年五月,她感激投資方願意畀足三次場租。

 

etnet財經‧生活App   財智‧健康‧品味生活     【立即下載】  iOS版 / Android版
更多娛樂情報文章
編輯推介
即時報價
全文搜索
Search
最近搜看
25周年慶
More
Share