加入最愛專欄  收藏文章 

2019-12-13

換唱歌老師學藝 李佳芯恨開演唱會

  【晴報專訊】李佳芯(Ali)、高海寧(高Ling)及黎諾懿等,前晚錄影最後一集《娛樂大家》。盛傳遭無綫雪藏的Ali,目前處於休息狀態,她笑言最近跟隨一位新的唱歌老師學習,希望有天做到唱歌演戲俱佳,更想開迷你演唱會。

 

李佳芯與高海寧同屬「面精心懵」之人。

 

  李佳芯與高海寧玩遊戲前接受訪問,Ali笑言參與《娛樂大家》後,發覺頭腦較蠢反而容易贏,高Ling聞言笑說︰「好彩我無贏過!自己玩狼人殺叻啲,不過唔係高手,因為我講親乜嘢都無人信我!」Ali即取笑高Ling說︰「即係全世界以為你扮豬食老虎,點知你原來真係豬!」她們又笑指其實黎諾懿及楊明皆是豬隊友,Ali更說︰「男人都係衰嘅。」

 

  正值休息的Ali,透露近期除了去旅行外,更換了一位唱歌老師學唱歌。她笑說︰「我個人比較慢熱,依家覺得唱歌方面有啲開竅,開始有信心愈唱愈好,希望終有一日,有人讚我做戲同唱歌都咁好!我目標係開到一個迷你演唱會,同埋想喺邊度跌低,就喺邊度企番起身,終有一日我會再挑戰唱《小幸運》!」至於高Ling最近鑽研烹飪,又表示會在聖誕派對上大顯身手,炮製羊腩煲。

 

汪明荃不捨《娛樂大家》

 

汪明荃(左二)最開心認識到麥美恩、森美、小儀及吳若希等食腦一族。(IG圖片)

 

  同場的主持汪明荃(阿姐),提到《娛樂大家》已到尾聲,問她可會不捨節目?她說︰「一定會,雖然暫時未有太大感覺,因為大家仲好開心。呢個節目對我嚟講係新挑戰,學識咗好多遊戲,又識咗一班食腦嘅娛樂家族。」阿姐透露聖誕會去雲頂登台,明年也有不少演出,相當忙碌︰「我哋呢行一般喺節日會比較忙,無嘢做就慘喇!」

 

etnet財經 ‧ 生活App獨家「銀行匯率比較」功能 立即下載 iOS/Android

更多娛樂情報文章
編輯推介
即時報價
全文搜索
Search
最近搜看
新型肺炎
全球放水
More
Share