【晴報專訊】陳國邦、羅敏莊（Mimi）兩夫婦昨日到九龍塘出席「至FIT安全駕駛大行動」，向巴士及的士司機派發福袋，宣揚道路安全駕駛知識。他們經常出外旅行自駕遊，笑言試過揸車時出現意見分歧，可幸未有因此而鬧交。

Mimi與阿邦向巴士司機大派福袋。

　　陳國邦和羅敏莊以安全大使身份出席活動，吸引不少市民圍觀。兩夫婦自認是安全駕駛者：「我哋兩公婆都唔飲酒，一定唔會醉駕。」問他們可曾被扣分？阿邦承認︰「試過有少少超速，不過我哋從來未試過扣晒分被罰停牌。」

唔擔心武漢疫情

ViuTV劇集《黑市》昨晚播出陳國邦（右）與陳健朗主演單元《神功戲》。

　　Mimi透露最近與阿邦去台灣及泰國自駕遊，阿邦表示會輪流駕駛。由於在台灣是左軚車，他經常提醒老婆要有方向感，「到外地揸車，無論係左定右軚都唔影響你嘅駕駛習慣，只要你記住自己喺馬路中心，就唔會轉錯方向。」Mimi補充說在外國駕車始終不熟路，所以會盡量開慢一點、安全至上，不過她又稱：「同老公一齊我都好少揸車，因為無論揸得幾好，佢都會有意見。」阿邦則說︰「一定有意見，但未至於鬧交。」

　　此外，提到武漢不明肺炎疫情，阿邦表示不會減少返內地，Mimi則說港人經歷沙士後已提高警覺。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇