加入最愛專欄  收藏文章 

2020-04-03

陳茵媺「避炎」留家慶39歲牛一 老公陳豪送「肉嘴」

  【晴報專訊】陳豪(阿Mo)的太太陳茵媺(Aimee)前日39歲牛一,這位幸福靚媽在IG發布與家人慶生的靚相,她獲老公送花兼獻吻,閃爆全宇宙。Aimee昨午回應《晴報》指,因疫情關係留家慶祝,更大讚老公︰「每年阿Mo都好有心思,佢係好好嘅榜樣,畀兩個仔知道點做真正的紳士!」

 

 

  近日新冠肺炎疫情持續嚴峻,但陳豪現時仍要為無綫新劇《陀槍師姐2020》開工,不過,他在百忙中仍抽空為陳太Aimee送上鮮花及蛋糕慶祝39歲生日,絕對是廿四孝老公。

 

Aimee獲6歲的Aiden(左)、5歲的Nathan(右)及3歲的Camilla送上DIY禮物。(IG圖片)

 

  前晚Aimee在IG發布在家中慶生相,除了三個小朋友陪她切蛋糕,阿Mo亦送上「肉嘴」,認真甜到漏。她以英文留言︰「留在家開心慶生,近日最安全及甜蜜的地方,有無其他適應力強的白羊座?向大家高聲歡呼!」不少圈中好友如李施嬅、胡定欣、蔡卓妍等也送上祝福;很多網友葡萄她擁有一個幸福家庭。

 

冧讚老公amazing

 

阿Mo收工後趕回家送上鮮花及陪太太Aimee切蛋糕,果然是愛妻號。(IG圖片)

 

  昨日本報聯絡到壽星女Aimee,她表示︰「今年因為疫情,我哋就留喺屋企慶祝,小朋友陪我切蛋糕,正日就一家人食飯慶祝,呢一年過得簡單啲,上年佢(阿Mo)帶我哋(全家)去蘇梅島慶生,依家全家身體健康已經覺得開心!」

 

  Aimee更盛讚老公amazing,並稱︰「每年阿Mo都好有心思,佢係好好嘅榜樣,畀我兩個仔知道如何成為一個真正的紳士!」提到明年告別三字頭,她聞言哈哈大笑︰「依家情況咁,惟有等下年先大事慶祝!」

 

專心湊仔無意拍劇

 

育有三個孩子的Aimee依然保養得宜,獲網民大讚是火辣靚媽。(IG圖片)

 

  談到三個小朋友可有表示,Aimee指他們有整生日卡及DIY幾束花送給她。她又稱︰「佢哋依家無得返學,一月至今都無乜出街,可能隔兩個星期出去行下!」

 

  至於阿Mo近日忙拍劇養家,Aimee表示有叮囑老公小心防疫︰「佢埋位前同Cut機後都戴口罩,我亦叫佢勤力洗手!」又讚老公一向有做運動增強抵抗力︰「佢每日最少花半小時喺屋企健身,希望強壯啲。」問她可會考慮回歸拍劇,她回應︰「現時都係先保護自己屋企,疫情好啲再諗工作!」

 

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

更多娛樂情報文章
編輯推介
即時報價
全文搜索
Search
最近搜看
雙幣交易
大國博弈
More
Share