加入最愛專欄  收藏文章 

2020-04-09

支持停辦港姐一年 張秀文:可儲多啲靚女

  【晴報專訊】林盛斌(Bob)、張秀文主持的遊戲節目《你估我唔到》大受觀眾歡迎,昨日錄影最後一集,邀請到薛家燕做壓軸嘉賓。家燕姐在電視城「出巡」時,Bob立即向她跪安,場面搞笑!港姐出身的張秀文,則認同今年停辦港姐的決定。

 

Bob、家燕姐及張秀文(右)昨日錄影最後一集《你估我唔到》。

 

  丁子朗早前在《你估我唔到》跳手指舞,疑似戳落張秀文胸前,掀起網上熱話,兩人解釋只是節目效果而已,實屬一場誤會。昨日輪到家燕姐睇片玩夾公仔遊戲,同樣非常投入,她大讚可以即場攞走禮物,並笑稱︰「都幾開心呀,以前無得夾公仔,而且拍拖好慳,都係行下公園,夏天食多支雪條囉。」

 

家燕姐玩夾扭蛋,憶起舊日的拍拖情懷。

 

  提到今屆香港小姐受疫情影響而取消,張秀文是2010年港姐亞軍,她起初表示可惜,身旁的家燕姐竟大搞氣氛說︰「哎呀!原本我諗住今年參加(港姐),其實我呢個年紀都有好多靚女,仲係天然嘅!」秀文回應稱:「今年停辦,真係少咗啲嘢咁,個人會囉囉攣,不過都明白係疫情因素。初時以為係押後,希望明年復辦啦,咁儲埋多啲靚女,佢哋又可以攞多啲經驗。」

 

Bob三個女學打麻將

 

  Bob表示每個嘉賓玩「夾公仔機」都好投入,但他沒有帶仔女玩夾公仔,反而三個女兒朝早起床會在家打麻將。Bob解釋:「可能佢哋見到大人打牌覺得好有趣,於是走去學埋一份,佢哋係玩籌碼,但輸咗都會好肉赤。等到個仔大啲可以同三個家姐一齊開枱,到時我就負責斟茶遞水。」

 

etnet財經 ‧ 生活App獨家「銀行匯率比較」功能 立即下載 iOS/Android

更多娛樂情報文章
編輯推介
即時報價
全文搜索
Search
最近搜看
新型肺炎
港區國安法
More
Share