【晴報專訊】早前度過33歲生日的湯洛雯（靚湯），去年底被爆以首置名義豪擲4,500多萬元，在馬鞍山購入低密度豪宅。靚湯被指升級做「白富美」，是圈中隱世富婆，她聞言連番否認是筍盤，更笑指媽咪最擔心她會成為未婚媽媽！

湯洛雯拍劇首次做女一，換上古裝打扮甚有古典美。

　　湯洛雯昨日趕拍古裝劇《一笑渡凡間》，首次擔正做女一的她換上戲服，仙氣十足。不過，靚湯表示在劇中飾演女捕快，全劇鮮有女裝打扮，而這場戲講述她被人捉去扮靚，碰巧被飾演濟公的蕭正楠看到，即時驚為天人。

湯洛雯早前生日，獲型爸湯鎮宗、媽媽及妹妹湯樂瑤一齊慶生。（IG圖片）

　　有報道指靚湯豪擲4,500多萬元在馬鞍山添置獨立屋，她解釋是跟家人夾份買樓，打算與家人一齊住。對於被讚是圈中筍盤，靚湯卻稱不敢當︰「屋企人係筍盤，我都係黐住筍盤咋！」

等緣分飄過來

　　目前仍是單身的靚湯，問她可有獲邀上遊艇開船河派對？她笑說︰「我唔曬得，拍外景日日曬已經好辛苦，放假都宅喺屋企瞓覺，追求者會飄過嚟。（可擔心追求者貪圖你嘅財富？）咁又唔會，都係啱啱置業，全部都未供完。我是佛系，順其自然啦，依家大部分人都係遲婚，寧願遲結婚，都唔想離婚。」靚湯認為媽咪不擔心她遲婚，只怕她未婚產子，更笑指由十幾歲開始，媽咪就擔心她和妹妹湯樂瑤會「蝕底」，加上家中有養貓狗，媽咪都不想太早湊孫。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇