【晴報專訊】連詩雅（Shiga）近日被爆與陳家樂拍拖，Shiga前晚錄影《流行經典50年》時，提到緋聞男友與湯怡在新片《死因無可疑》中有激烈床戲，Shiga立即表現怕醜，又避談會否入戲院捧家樂場。

連詩雅首次拍劇，收到不少前輩、導演及幕後朋友的短訊鼓勵。

　　連詩雅有份演出的無綫劇《那些我愛過的人》正熱播，首次拍劇的她晚晚追劇及檢討演出：「我缺點係怕醜，好怕同人有眼神接觸，望住對手就會好緊張，講對白會望地下，頭幾集真係好明顯，之後慢慢都有改善。」不敢直視緋聞男友陳家樂？她轉話題說：「我望任何人都唔敢望太耐，我喺劇中有場同黃翠如換肝嘅戲，老闆（何哲圖）都讚做得好。」

陳家樂演抗疫電影

陳家樂一身西裝拍抗疫片，似是飾演酒店員工。

　　提到陳家樂直認無時間追睇劇集，Shiga只說：「如果朋友有時間，都會叫佢哋睇，無時間都會明嘅。」問她會否睇陳家樂主演的新片《死因無可疑》？她避談說：「我好耐無去過戲院，而且屋企又有老人家，疫情過咗先去人多地方。」至於家樂在戲中與湯怡有大膽床戲，Shiga只說：「我無留意。（會否介意？）唔識答，我睇自己嘅床戲都會尷尬。」

　　而陳家樂則忙於拍攝由十間電影公司合作的抗疫片《總是有愛在隔離》，電影最新劇照曝光，除了家樂，亦有許冠文、曾志偉、錢嘉樂、張達明、蘇麗珊及陸永等人演出，劇組更獲林建岳借出海洋公園萬豪酒店拍攝。

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情