【晴報專訊】早前宣布淡出娛樂圈的麥明詩（Louisa），在無綫的告別作《殺手》近日熱播，她飾演的盲女閻素之前晚聲淚俱下怒罵「衰老竇」黎耀祥（飾閻武），其歇斯底里演出贏盡正評。昨午她接受《晴報》訪問時，直言無意回巢︰「暫時都好享受Office生活，拍劇睇機緣！」

 

 

　　10A港姐麥明詩在無綫曾拍攝多齣劇集及主持年輕人節目《#後生仔傾吓偈》，但她去年毅然決定改簽一年一騷的「綠葉約」，其後加入國際知名管理諮詢公司麥肯錫（McKinsey）工作，為各大企業制定策略和管理計劃，放棄五光十色的娛樂圈生活，專心做OL。

 

麥明詩成功捕捉失明人士的神髓，獲網民大讚演技大躍進。（IG圖片）

 

　　近日，她在TVB的告別作《殺手》熱播，劇中飾演失明鋼琴老師兼調音師閻素之，Louisa在前晚的劇情盡騷演技，她無意中發現自稱陳生的閻武，原來是連累自己雙目失明兼失去母親的「衰老竇」，她在街頭激動爆喊狠罵對方，表現出對父親的怨恨及悲痛，令人睇到眼濕濕。不少網友大讚Louisa的演出令人眼前一亮；有觀眾亦慨嘆她急流勇退，實屬可惜。

 

自稱演戲天份不高

 

 

　　對於網民的正評，昨日Louisa回應本報︰「多謝監製陳維冠、各導演嘅指導，仲有前幾套劇嘅監製同導演。多謝幾年來觀眾都不斷畀機會一個天份唔係太高嘅演員進步，未來無論咩嘢工作崗位都會繼續努力！（怒罵視帝祥壓力大？）祥哥完全無畀壓力我，畀空間我慢慢培養情緒，多謝佢！」

 

　　她又透露，拍攝時戴上有色隱形眼鏡，又指其角色身世悲慘，對於憑邊喊邊罵父親的戲份成功爆出，亦感突然。問Louisa可有回歸拍劇的想法，她直言︰「暫時都好享受返Office嘅生活，帶畀我好大滿足感！人生有不同階段，依家專心事業。至於拍劇，就睇機緣！」

 

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情