加入最愛專欄  收藏文章 

2020-08-04

誕第二胎網曬全家福勁溫馨 陳凱琳︰Rafael幫我哋睇住細佬

  【晴報專訊】29歲的陳凱琳(Grace)上周一為丈夫鄭嘉穎誕下第二胎,取名鄭承亮(Yannick),兩夫婦昨午在社交網po相報喜,照片中的Yannick鼻高高、面尖尖,非常可愛。Grace昨午回覆《晴報》稱︰「Rafael做咗哥哥,佢見到BB會靜靜哋幫我哋望住BB、摸下BB,真係(令我哋)非常安慰。」

 

 

  Grace去年為老公鄭嘉穎誕下大仔鄭承悅(Rafael)後,今年五月宣布再度懷孕,50歲的鄭嘉穎昨午宣布再為人父,他在IG上載一家四口的家庭照,公告細仔Yannick已經出世,並留言︰「細佬來了,母子平安!非常感恩!」

 

Grace與嘉穎po的全家福中,背景布置有氣球和蘭花,認真喜氣洋洋。(IG圖片)

 

  成功兩年抱兩的Grace也在IG發相,照片中這位靚媽抱着細仔親吻,溫馨滿瀉。她並留言指細仔的誕生日子比預期早。陳凱琳其後受訪時說︰「好開心同大家公布呢個好消息,BB係上星期一、7月27日出世,我同BB都安全回家,大家都好融洽!」

 

待產譚凱琪盼有伴

 

再做爸媽的鄭嘉穎與陳凱琳望實剛剛出世的細仔Yannick,難掩喜悅之情。(IG圖片)

 

  她又透露做哥哥的Rafael好乖巧︰「佢見到BB喺度,都靜靜哋幫我哋望住BB、摸下BB。」她又指對比第一胎,今次有充足心理準備,因此心情不錯︰「成件事好順利同喜悅,多謝大家祝福,嚟緊多啲休息,希望大家都安全留喺屋企,我呢個月坐月都會留喺屋企,多謝大家關心。」

 

  再做爹哋的鄭嘉穎亦向傳媒透露,Yannick已改名「鄭承亮」,又指細仔似老婆,鼻高高、面尖尖。他又稱︰「最緊要佢開開心心咁成長,已經心滿意足。」

 

  至於Grace的好姊妹譚凱琪亦正在懷孕,她回覆本報時稱︰「我都知道佢生咗,之前Baby Shower已經同佢慶祝過。我期待BB快些出世,將來又有個伴!」另外,多位圈中人包括胡杏兒、汪明荃、龔嘉欣、何雁詩、楊秀惠、唐詩詠、陳山聰及黃翠如等,也分別在Grace和鄭嘉穎的IG留言恭喜。

 

 

轉載自: 晴報

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

更多娛樂情報文章
編輯推介
即時報價
全文搜索
Search
最近搜看
新型肺炎
全球放水
More
Share