【晴報專訊】鄭裕玲（Do姐）與組合農夫前晚錄影特備節目《港姐有問題》，考驗15位候選港姐。Do姐拒絕透露心水佳麗，但農夫成員C君卻「爆響口」，表示對熱門謝嘉怡印象深刻。

Do姐與農夫出招考驗準港姐，大讚佳麗聰明伶俐。

　　鄭裕玲及農夫大讚佳麗們聰明、記性好︰「上至天文地理，下至餐牌，佳麗都識答，幾乎成個餐牌背出嚟，證明人類無極限。」睇好哪位佳麗？Do姐強調一視同仁，所以不會開名，可有留意佳麗的負面新聞？她說︰「無，我好正面嘅！」陸永取笑Do姐說︰「佢連正面新聞都無睇。」他們透露大會稍後將會淘汰三位佳麗。C君講笑說睇好Carol（Do姐洋名），及後自爆欣賞海外佳麗謝嘉怡努力用中文對答，Do姐聞言即訓示農夫說︰「咁樣唔公平呀，你哋唔好亂噏，要保持公正，唔想影響觀眾投票。」

陳楨怡額頭爆瘡

陳楨怡（左）及謝嘉怡均有信心晉級決賽。

　　熱門陳楨怡及謝嘉怡一同受訪，見陳楨怡額頭長了不少粒粒，她說︰「因為前一晚通宵溫書準備，令我諗起讀大學時捱夜嘅日子。」而謝嘉怡自言廣東話麻麻，因此反應較他人慢，但已努力改善。提到將淘汰三人，謝嘉怡坦言很想打入決賽，因剛剛才完成隔離，希望繼續比賽。

轉載自: 晴報

全新節目《說說心理話》青少年不可以戀愛！？真實個案講述驚心動魄經歷► 即睇