世事政情

2020-08-14

與湯洛雯一齊煎牛扒馬國明：識煮食會加分

　　【晴報專訊】全新一輯烹飪節目《Gi味俱全2》將於myTV SUPER推出，昨日舉行記者會，主持黃淑儀（GiGi姐）邀請在《On Call 36小時》飾演其乖仔的馬國明撑場，他更把握機會即場向GiGi姐偷師。

馬明自問對飲食唔講究，對女友的廚藝沒太多要求。

　　黃淑儀在記招上示範香椿醬拌素蝦蒸雞蛋，的確色香味俱全。節目共有48集，GiGi姐表示今次要設計多款菜式，她自爆︰「本來以為可以跟之前14本烹飪書啲菜式『過骨』，點知原來要配合贊助商，我要重新諗多啲菜式，有少少難度，但好開心接受呢個挑戰。」

　　一直站在GiGi姐身旁的馬國明，全程擔任助手，他表示︰「好多餸菜唔係個個都識煮，但有啲簡單嘅都容易學，最重要係識得個竅門。」問他可有學煮幾個餸用來冧女友湯洛雯？他笑言平時甚少下廚，從小到大都跟媽媽一起住，每次走入廚房反而會被媽媽趕出去。

湯洛雯（IG圖片）

　　現時馬明又有否跟湯洛雯一同下廚呢？他回應︰「試過煮牛扒，都係一啲簡單嘅菜式，始終我哋兩個煮嘢食唔叻，當然如果女仔識煮食，一定會加分！」GiGi姐聞言即向馬明教路：「女人學識煮三個餸就可以，喺生日、結婚周年同紀念日入廚就夠。」她更笑言日日煮，反而不會有人珍惜。

GiGi姐稍後再約鄧達智食飯

GiGi姐即場下廚示範新菜式。

　　此外，時裝設計師好友鄧達智確診新冠肺炎後，目前已康復出院。GiGi姐可有慰問對方？她表示︰「其實（上月）11號晚同佢食完飯，到25號佢就同我哋講自己中咗招，嚟唔到gathering，不過依家知道佢已經返咗屋企休息，大家都放心。之前我都有做檢測，都係為求安心。（有無去探佢？）暫時唔會喇，佢住咁遠，或者等過咗限聚令之後，再約埋一齊飯聚啦。」

轉載自: 晴報