加入最愛專欄  收藏文章 

2020-09-24

大女Chantelle已開學 郭富城盼早日正常上課

  【晴報專訊】郭富城及導演黃慶勳前晚到銅鑼灣出席《麥路人》特別場,城城不介意在疫情下密密做宣傳,影相時甚至一度除下口罩,他表示:「我熱愛電影,唔理咁多啦。」城城亦希望疫情盡快過去,小朋友可以正常上課,大人能夠如常上班。

 

郭富城希望電影令大眾多關注社會上需要幫助的人。

 

  電影《麥路人》取材自社會中一群流連24小時快餐店的無家者,上映五天已突破300萬元票房,觀眾反應熱烈,電影公司將展開多場謝票行動答謝觀眾。而前晚舉辦了「麥當勞專場」,讓快餐店前綫員工一齊捧場,郭富城表現風騷,並跟觀眾分享感受。

 

城城樂於跟快餐店員工分享拍攝點滴。

 

  在疫情下為電影緊密宣傳,可會擔心增加感染風險?城城直言︰「我熱愛電影,唔理咁多啦。呢部戲係我從影以來最鍾意嘅頭三位,所以都唔介意喺任何情況下宣傳,希望更多人入戲院睇呢部戲。」提到戲院重開後,始終仍受限聚令影響入座率,城城表示新片有此成績已相當不俗,令他鬆一口氣。

 

城城稱大女開始入讀幼兒班。

 

  學校新學期已陸續開學,城城的大女Chantelle今年入讀幼兒班,他表示︰「大女已經返咗一日學,不過每星期只會返一堂實體班,其餘時間都係網上授課。其實小朋友返學校上課係最好,希望疫情盡快過去,小朋友可以喺安全嘅環境下返學上堂,大人亦可以如常工作。」

 

水喉匠睇戲睇到喊

 

  城城又自爆日前家中浴室的水喉壞了,請水喉匠到家中維修,年約50多歲的師傅主動跟他表示有捧場睇戲,更被戲中鮑起靜與城城的母子情感動落淚,令城城覺得十分鼓舞。此外,城城目前忙於拍攝另一新戲《斷網》,他相信好朋友都會「自動波」捧場睇《麥路人》,還說太太方媛已睇了幾次,她會叫朋友包場睇戲。

 

轉載自: 晴報

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

更多娛樂情報文章
編輯推介
即時報價
全文搜索
Search
最近搜看
新型肺炎
美國大選2020
More
Share