加入最愛專欄  收藏文章 

2020-09-25

許芯悅喊住爆遭人身攻擊 莊思明狂寸:小丑博見報

  【晴報專訊】藝人許芯悅與楊明在電影《時代》中演情侶,近日爆出她被楊明女友莊思明刻意現身監場兼「睥」到行,態度極不友善;前晚許芯悅出席活動,喊住暗示遭某人傳信息鬧爆兼侮辱。事後莊思明還擊,狂寸許芯悅是「小丑」及炒作故仔見報。昨日莊思明接受《晴報》電話訪問時,聲言不想再被利用,故不會回應。

 

許芯悅訪問期間一度激動爆喊。

 

  許芯悅前晚提到遭莊思明的凌厲眼神嚇親,她即頭耷耷說︰「我唔可以答咁多,報道出咗後,我收到一啲message係咁鬧我,我唔想再受到人身攻擊、侮辱、詛咒我。(邊個?)有一個人囉,我唔想提佢。」為此事不開心?許芯悅爆喊稱︰「我噚日(前日)都喊咗好耐,我瞓唔到,一路喊……」會否報警?許芯悅喊到全身發抖說︰「我唔清楚、唔知道,佢係鬧我,但未到恐嚇。」

 

  許芯悅稱人與人之間要互相尊重,強調不會公開相關信息,令自己登上娛樂版頭條︰「C1唔係最重要,錢都唔係最重要,就算我係矮、做model,都唔代表人格差。」她指家人看過信息亦大感心痛。會否找楊明擺平事件?她表示沒有對方的聯絡方法。

 

嘲有人講大話

 

莊思明與楊明近日是非不斷。

 

  莊思明前晚隔空反擊,在社交網留言稱「問心無愧」:「預咗啲講開大話嘅人係唔會咁容易收手㗎啦!你要繼續老屈作故仔博見報你咪繼續囉,公道自在人心!我又唔知你係邊個,同你講多都嘥氣#我係受害者都未喊#人在做天在看#你想利用我到幾時#係唔係唔作故仔唔屈人就無得見報呀」她更連環反駁許芯悅︰「其實佢都幾好笑#想笑死我#有個小丑氹自己開心都幾幸福呀#你再講大話小心變咗木偶鼻」不過,莊思明昨日回應本報說︰「佢(許芯悅)嘅事我真係唔想再回應喇,我唔想再被利用。」

 

轉載自: 晴報

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

更多娛樂情報文章
編輯推介
即時報價
全文搜索
Search
最近搜看
新型肺炎
中概股回歸
More
Share