加入最愛專欄  收藏文章 

2020-09-29

那些年難忘的校園生活 黎諾懿︰普通話興趣班都留級

  【晴報專訊】校園生活都是充滿回憶的,年少無知往往會做了一些「傻事」,令人捧腹,當中亦有挫敗或頑皮的難忘事,相隔多年再回想,還是發出會心微笑。黎諾懿、朱敏瀚、黃翠如和湯洛雯,重提昔日校園軼事,回憶立即湧現腦海中,回味起來有苦亦有甜,有笑亦有悲。

 

黎諾懿的普通話至今仍然成為笑柄。

 

  黎諾懿的普通話在圈中算是數一數二「水皮」,跟他的好兄弟鄭伊健同樣成為笑柄。但,原來諾懿的普通話水平自小已經很失禮,他笑言︰「讀中學時,我上過普通話興趣班,仲係要畀錢上課的,點知都係要留級,激到阿媽都鬧我︰『有無搞錯呀,興趣班都留級!』(無興趣學?)可能我自小已經有語障,學習能力障礙症,連老師都同我講︰『你不如唔好升班啦,我教你唔到喇!』結果老師向阿媽投訴,我咪畀阿媽鬧到黐綫。今時今日我嘅普通話咁『猛料』,其實係學極都係咁。」

 

  諾懿直言讀書成績麻麻,但運動是強項,瓣瓣皆精,尤其打籃球,他長得如此高大,相信都跟愛打籃球有關。他說︰「打籃球經常攞獎㗎,又試過代表校隊贏獎,三人籃球賽仲經常奪冠,踩冰、保齡球都玩得唔錯㗎。我嗰個年代啲小朋友,一係讀書叻,一係運動專長,好少文武全才。依家我同伊健都經常玩直立板,將來都會同埋囝囝小春雞一齊玩。」

 

湯洛雯︰有意重返校園讀醫科

 

靚湯當年在英國及早發奮苦讀,才取得好成績考入大學。

 

  湯洛雯(靚湯)認為人生最挫折的是會考成績未如理想,雖然及格,卻未能符合升上心儀學校的要求,她說︰「考成點我就唔想再提喇,不過整體成績係無可能升上較好嘅學校,但係媽咪又想我繼續讀書,於是送我去外國升學,屋企人花咗好多錢喺自己身上,我覺得好內疚,去到英國發奮圖強,A-level考得好好,達到top成績,仲成功考入倫敦UCL大學。」不過靚湯認為讀書考試只是人生一種經歷,成績好壞不代表一切,即使讀到大學最標青的科目心理學,但到現在仍未能學以致用。

 

  靚湯總覺得求學階段並不完美,曾想過重返校園,她說︰「見到疫情持續多時,我諗過做醫生,或者獸醫都好,因為我隻狗仔之前患過大病,加上獸醫短缺,總之幫到人嘅我都想做。」

 

黃翠如︰攞獎學金赴英讀戲劇

 

黃翠如對英國留學期間發生的所有事,一直都念念不忘。

 

  黃翠如讀書時期最自豪的,是獲得學校獎學金赴英國修讀戲劇課程,這也是人生中第一次坐飛機外遊,令她覺得非常有優越感,翠如說:「喺16歲時第一次坐飛機。成家人都未試過出門外遊,亦畀唔起錢我坐飛機去旅行,咁難得我攞獎學金去外國,有機會免費坐飛機,成家人都覺得係人生大事,更準備咗8,000蚊現金畀我帶去英國,喺當年係一筆好大嘅數目。我離港當晚,成家人去機場送機,真係好大陣仗!」

 

  然而,翠如最挫敗的經歷同樣發生在英國,她在香港讀地區中學,英語水平不算太好,她說︰「最初聽當地人講英文係聽唔明,加上佢哋嘅語言文化,對我來講,每次上課都好困難,不過好彩無人蝦我,反而同學好熱心幫我解決困難。另一方面,我初次食英式早餐,甚至第一次飲酒都喺英國,所以人生中好多個第一次都係英國發生。」

 

朱敏瀚︰胡子彤改變我的前路

 

外表乖乖仔的朱敏瀚,原來中學讀書時都曾經曳過。

 

  求學時期的朱敏瀚,沒有做過太多搗蛋事,但也曾跟隨同學仔一齊曳過,「記得讀中學時,有個代課老師來上堂,我同幾個同學上堂時突然好大聲講嘢,搞到成個課室嘈到拆天,第二日聽人講代課老師被激到入院,嗰一刻覺得好內疚,雖然唔知係咪因為代課老師當日好激動,搞到唔舒服所致,但我都覺得多多少少係我哋太頑皮激嬲佢。」

 

胡子彤

 

  回憶校園生活,除了應付考試,其餘時間都是開心較多,朱敏瀚更覺得有幸讀中學時認識了一班死黨,最難得是多年來大家的感情不變,即使畢業後各散東西,他們至今仍有聯繫,無論大家有幾忙,都堅持每個月聚會,他說︰「其實胡子彤係我其中一個同學,當年我哋一齊報考訓練班,結果我被取錄,不過佢之後都入行,佢算係改變咗我前路嘅人。」

 

轉載自: 晴報

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

更多娛樂情報文章
編輯推介
即時報價
全文搜索
Search
最近搜看
中概股回歸
美國大選2020
More
Share