【晴報專訊】鄭俊弘（Fred）與何雁詩將於下月7日在港註冊結婚，前日二人過大禮，Fred跟足傳統儀式，更「落重本」送上大堆參茸海味及金器，令未來外父外母笑逐顏開。何雁詩昨日亦找來未婚夫擔任新歌MV男主角，更大爆兩人有「床戲」。

 

鄭俊弘與何雁詩對中式婚禮習俗一竅不通，幸得大衿姐從旁指導。

 

　　何雁詩昨日為自資五位數字製作的新歌《基本戀愛套路》拍攝MV，她笑言歌曲是送給未婚夫鄭俊弘的禮物，所以專程找Fred任MV男主角。何雁詩笑說︰「首歌係送畀佢，無理由搵第二個男人做男主角。MV主要拍我哋喺屋企嘅甜蜜生活，會有親密鏡頭，亦有喺床上拍嘅『床戲』。（Fred唔收酬勞？）象徵式畀八蚊佢囉！」

 

陳瀅（左一）、賴慰玲（右二）及蔡思貝（右一）專程協助鄭俊弘過大禮。

 

　　提到前日過大禮，何雁詩表示過程順利，Fred找來何雁詩的好姊妹陳瀅、蔡思貝及賴慰玲等幫手，將參茸海味、椰子、嫁女餅及金器等送到女家，氣氛相當熱鬧。可有計算金器總值幾多錢？何雁詩表示不太清楚，但她很多謝Fred「落重本」，還透露收了三對龍鳳鈪及兩條金鏈。

 

延至明年擺酒

 

　　何雁詩大爆過大禮期間，一眾好姊妹由「一姐」變身臨時演員。何雁詩說︰「佢哋聽大衿姐話要歡呼同拍掌，做到好足。蔡思貝最出色，佢份人一向好感性，我諗到正式婚禮時佢都會爆喊，到時獎個飯盒畀佢。」受限聚令影響，兩人決定延至明年才擺酒，而下月7日只會註冊，但亦會做足接新娘儀式。

 

何雁詩與鄭俊弘完成儀式後甜蜜咀嘴。

 

　　問Fred過大禮一共花了多少錢？他說︰「唔記得喇，最緊要大家開心，開心就唔肉赤。」身旁的何雁詩則踢爆︰「我爸爸最開心，佢全日都攬住Fred，直情睇我唔到。」

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情