【晴報專訊】黎諾懿與陳煒昨日錄影《萬千星輝賀台慶》項目，二人預告在19號台慶當晚會大鬥廚藝。「逆境廚神」諾懿毫不擔心屆時會失手，反而覺得若有「蝦碌」鏡頭，節目才會更好睇：「到時一定會著火！」

陳煒與黎諾懿在圈中出名廚藝了得，但未試過同場較量。

　　黎諾懿、陳煒及黃智賢等昨日穿上廚師服，為台慶節目預先錄影部分鏡頭。諾懿與煒哥在台慶當晚會即場大鬥廚藝，諾懿表示去年台慶要錄播，今年雖然改回直播節目，但因疫情關係沒有安排現場觀眾：「當然有觀眾會開心啲，好似一齊玩咁。」諾懿屆時會以煎牛扒迎戰煒哥的龍蝦菜式，他說：「雖然我戒咗食牛好多年，不過其實落鹽同黑胡椒已經可以調味，今次會搵最靚嘅牛去炮製。」

　　煒哥表示台慶當晚會煮法國藍龍蝦及西班牙紅蝦：「呢兩種海鮮一向好貴，加上好少有，要新鮮先煮得出鮮味。」問二人會否擔心到時直播下廚會失手？諾懿笑說：「其實失敗反而仲好睇，太完美就似廚房佬，以我所知好多人都等睇我幾時煮燶嘢，我反而覺得幾得意。」煒哥則自言平時在家可以慢慢煮，但現場下廚時間緊迫，可能會失手。

唔敢唱國語歌

陳敏之（左三）及陸浩明（右）盛裝任司儀。

　　至於會否在台慶節目獻唱國語歌？一向歌藝「驚人」的諾懿搞笑說：「你哋都知我唱歌好『猛料』㗎啦，廣東歌都未搞得掂，如果唱國語歌，我驚以後無得撈，你哋見唔到我，真係獻醜不如藏拙。自己知自己事，我都係揸番鑊鏟算啦。」身材出眾的煒哥，預告已準備好台慶戰衣，到時會以性感打扮示人。

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情