【晴報專訊】近日張敬軒（軒仔）頻頻在IG出Po，暗諷新外籍傭工「無煮意」，每日早餐不是白粥就是麵包。昨午謝霆鋒拍片向軒仔推介新出的鋒味「臘腸」當早餐，又示範用微波爐叮熱兼「Chok住歎腸」，愛開玩笑的軒仔竟以「有味」留言回應︰「我會保護好你啲腸，唔會畀遮遮怪（傭工）傷害佢哋㗎！」

 

 

　　軒仔將於本月22日在紅館開騷，近期他在IG未有分享個唱的準備工作，反而不停上載看來淡而無味的早餐照片，引來不少網友紛紛安慰他。昨午，霆鋒在鋒味IG上載短片︰「My darling張敬軒，我睇到你嘅早餐實在太可憐，所以喺度介紹呢個粒粒腸畀你，其實佢係臘腸，但有好多唔同口味，只要放幾粒入碗，落大約一茶匙水，包保鮮紙叮30秒就搞掂，救番你好慘嘅早餐！」霆鋒又稱︰「你可以同『姐姐』（傭工）講，Everyday 30 seconds，good breakfast！（每日30秒，有好好的早餐）」

 

冀霆鋒親手餵食

 

霆鋒向師弟軒仔推介「粒粒臘腸」，又拍片做「教煮」。（IG截圖）

 

　　片段中，霆鋒示範簡單煮法兼Chok住歎腸。獲大師兄如此特別照顧，一向在IG非常口賤的軒仔亦轉發該短片，自言「終於有啖好食」，他更#hashtag「霆鋒請我食腸」，笑死一眾花生友。軒仔並留言︰「我的好日子來臨了，咁嘅大師兄去邊度搵！」由於霆鋒近日身在內地，軒仔忍不住稱︰「我等佢返嚟親手請我食，我又親手請佢食遮遮嘅早餐！」

 

軒仔刻意將「工人姐姐」的側面照Po上IG，吸引大量網友評頭品足。

軒仔近期的早餐不是白粥就是麵包，禁不住在IG不停發帖呻無啖好食。

 

　　此外，軒仔將IG帳戶的大頭相改為霆鋒騷粒粒臘腸的截圖，以示對大師兄的敬意。不少粉絲喜見軒仔終於獲得打救；有人更留名等睇他表演食腸。

 

 

轉載自: 晴報

• 

WoW WoW星期三：健康網購產品低至$99 (只限今天)► 立即行動