世事政情

2020-11-25

清水灣愛巢簽紙娶張寶兒袁偉豪︰一個人搵錢兩個人使錢

　　【晴報專訊】相戀三年的袁偉豪（Ben）、張寶兒（Bowie）昨日在清水灣豪宅簽紙結婚，Bowie穿上自己設計的大露背婚紗出嫁，贏得美人歸的Ben亦自爆在儀式時第一個感動落淚：「當時見到外父拖住Bowie出嚟，我已經忍唔住喊！」

　　袁偉豪、張寶兒於17年拍攝旅遊節目《打工捱世界II》擦出愛火花，今年五月兩人斥資近7,000萬港元，購入清水灣傲瀧一個豪宅單位共築愛巢，Ben早前更自爆去年已在加拿大求婚成功。昨晨，忽然迎來他們在新居會所簽紙結婚的喜訊，一對新人昨日傍晚接受訪問，亦應傳媒要求多次咀嘴，幸福滿瀉。據悉，兄弟團成員包括謝東閔、林子善等，Bowie的胞妹張寶欣任伴娘，朱智賢做姊妹，而陳山聰、胡定欣則任婚禮司儀。Ben在簽紙儀式上感動落淚，並清唱新歌《你與你的另一半》，完成斟茶儀式及簽紙註冊後，昨晚只安排簡單食飯慶祝，昨日亦未見有玩新郎環節。

自稱父愛氾濫

袁偉豪坦言與Bowie拍拖不久，已下定決心做老襯。

　　袁偉豪透露在愛的宣言中加入深情說話︰「主要圍繞三年前喺非洲大草原定情，過去三年係我事業嘅春天，佢亦縱容我嘅任性。無論開心唔開心，佢都喺我身邊，自己覺得都係時候定落嚟，所以娶個老婆番嚟。」

張寶兒穿上裙褂，雙臂戴上三對巨型龍鳳鈪，胸前再掛上四對龍鳳鈪，貴氣十足。

　　提到限聚令影響婚禮安排，Ben表示︰「我哋都有提賓客戴口罩，整個婚禮都無諗住大搞，希望遲啲再舉行晚宴。」問到可會雙喜臨門？Bowie即笑言︰「你睇我着成咁，就知無BB！我哋都唔趕住生。」Ben甜絲絲補充說︰「會商量（生仔），除非有意外，不過雙方家長都想抱孫，我都父愛氾濫。（正式搬入愛巢？）係呀，正正式式要一個人搵錢，兩個人使錢。」Bowie笑言︰「我都未習慣被人叫袁太，要慢慢練習先！」問到婚禮使費，Ben回應︰「係用咗好多錢，但錢並非最重要！」