【晴報專訊】林國斌、方中信早前為崔建邦（Amigo）的無綫訪談節目《諸朋好友》任嘉賓，當中與Amigo私交甚篤的林國斌分享入行初期當龍虎武師的往事，原來他曾經兩度累到成龍受傷，其中加入成家班後試過踢傷大哥，令其耳後出現一吋多的傷口︰「當時驚到不得了，老闆嚟嘛！」

 

 

　　曾在周星馳電影《破壞之王》飾演大反派「斷水流大師兄」的林國斌，在前晚播出的《諸朋好友》接受崔建邦、張秀文訪問。現年60歲的他身形依然Fit爆，與方中信暢談94年在內地飲酒時相識經過，互相扶持建立友誼。不過，節目中最爆必定要數林國斌透露80年代當龍虎武師的陳年舊事，他憶述83年開始兼職當武師，加入成家班前後發生的意外。Amigo問及他如何弄傷成龍，林國斌坦言︰「一次係間接，一次係直接！」

 

林國斌憶述當年意外弄傷成龍的往事。（網上截圖）

 

爆大哥簡化動作更傷

 

　　林國斌回想︰「當時拍《警察故事》，我抱病完成咗一個危險動作後，以為自己唔使再做就食感冒藥，之後仲有人畀咗罐汽水我飲，搞到我頭暈暈。」其後，當晚有另一個危險動作要拍攝，由於成家班成員已連續受傷，當時成家班的資深成員馮克安即刻邀他上陣，林國斌稱︰「當時我想做，但食完藥好暈！」便搖頭婉拒，怎知身旁的成龍立即大喝一聲︰「我成家班依家無人呀？我嚟做！」然而，林國斌指出成龍「偷雞」簡化動作後令衝力更大，結果大哥撻落地下撻到「攤攤腰」。林國斌戲言︰「當時嚇到，我係側邊撥扇！之後佢（成龍）話返畀我知嬲咗我，話當時見到我擰頭，於是自己做！」那次是間接導致成龍受傷。

 

避談離開成家班原因

 

成龍80年代曾招攬林國斌加入成家班。（微博截圖）

 

　　及後，林國斌加入成家班後，曾直接令成龍出事。當時他們正在拍攝《龍兄虎弟》，林國斌要為外籍女演員當替身，有一個動作他要踢向成龍頭部，然後大哥一個閃身避開。為加強保護作用，林國斌腳脛加墊兼再加鐵板，豈料卻令大哥「中頭獎」兼暈倒。林國斌說︰「當時我嚇倒了，見到佢耳後位置裂開咗一吋多，血亦湧出嚟，驚到不得了，大佬，老闆嚟嘛，真係唔知邊個疏忽！」Amigo問及是否因該次意外被迫離開成家班，他急急否認，方中信卻搭嘴道︰「隔一輪先，唔會即刻嘅！」不少網友大讚林國斌為影圈奉獻不少；有人亦指他在節目中大方談與成龍的舊事有睇頭。

 

方中信指林國斌以前非常「牛精」，當父親後性格大變，盡見鐵漢柔情。（微博圖片）

 

　　此外，另一嘉賓方中信透露過往得罪人多稱呼人少，雖然甫入行已成為電影男主角，但是由於80年代電影圈階級觀念重，他經常被人「問候」。

 

林國斌（左）09年曾為崔建邦的節目擔任嘉賓，甚少受訪的他今次再出山撐老友。

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇