【晴報專訊】無綫去年尾的青春小品《香港愛情故事》叫好叫座，隨即宣布開拍三部曲，續集預計在今年第二季開拍，今次以年輕人面對失業問題為故事背景。男主角羅天宇昨晚接受《晴報》訪問時稱︰「大家對續集都有期望，我都想試唔同工種，講我做送外賣都OK！」

 

 

　　《香港愛情故事》去年尾播出時回響極大，首度升呢監製的林肯描述年輕人「上車」難的社會問題，貼地劇情令觀眾產生共鳴，加上老中青三代演員如龔慈恩、龔嘉欣及游嘉欣等，皆演繹出角色神髓，成功掀起網民熱議。

 

龔嘉欣於《香港愛情故事》淚崩的場面慘遭刪走，相信她在續集將再出現令人感動的鏡頭。

 

　　昨日有報道指無綫副總經理杜之克已拍板該劇拍夠三輯，繼第一輯描寫買樓問題，續集將講失業悲歌，而第三輯則會講飲講食，暫定每輯12至15集，續集將於今年第二季開拍，以原班人馬上陣。在新冠肺炎疫情打擊下，各行各業皆在逆境下掙扎求存，不少打工仔面對裁員及失業潮，有傳續集內容將更煽情，羅天宇、龔嘉欣這對小夫妻將會有更激場面，各界皆期望第二輯盡快播出。

 

冀試不同工種

 

　　飾演男主角陳子朗的羅天宇昨晚受訪時表示︰「第一輯咁多人鍾意，珠玉在前，大家都有期望，所以比之前緊張啲，壓力更大！」有指續集以香港人在疫情下面對失業問題作主綫，問他會否在新劇化身失業大軍，羅天宇回應︰「自己以前都試過有低潮期，但未試過失業，我想在續集試唔同類型工作，如果講我送外賣都OK，不過未知故事背景是否設定在疫情下！（會否有更多騷肌場面？）我一路都有keep住操fit，因為嚟緊新版《十月初五的月光》都有除衫戲，現時試緊18小時斷食法，主要食菜和吸收蛋白質，亦要戒澱粉質。」

 

劇集有望原班人馬添食，當中羅天宇、王敏奕及游嘉欣三兄妹將再面對各自的生活難題。

 

　　天宇又透露現正趕拍《把關者們》，本月中開始會拍《十月初五的月光》，故未知第二輯《香港愛情故事》幾時開工。此外，提到周日舉行的台慶頒獎禮，問他可有信心爭視帝、電視男角色及飛躍男藝員獎，天宇強調︰「今年有三項提名好amazing，不過都係平常心唔諗太多，希望《香港愛情故事》可以攞最佳劇集獎！」

 

游嘉欣憑劇集人氣爆升，其IG追隨者由不足一千急升至現時接近三萬。

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇