【晴報專訊】張曦雯（Kelly）昨日到中環出席信用卡活動，雖然因疫情令工作大減，但Kelly直言不會花混血兒男友Mark Brunyez的錢，也不會要求男友代找卡數，強調兩人財政獨立。

張曦雯即將北上拍外景，笑言隔離期間會有很多時間打機。

　　張曦雯近日忙於拍攝新劇《白色強人II》，昨日抽空出席記者會賺外快，並獲贈信用卡成為該卡首位會員。事後，Kelly講笑說希望有免找數簽帳額，讓她可以盡情購物。她又表示平日熱愛網上購物，但因疫情致收入大減，令她購物慾也大大降低，但她慶幸在疫情下仍有工作，笑指今次工作酬勞可以讓她繼續上網shopping。

　　問Kelly可會要求男友Mark代為找卡數？她直言雙方財政獨立，亦從未要男友找卡數︰「我哋好公平，佢好gentleman，又好錫我，平時出街食飯都係佢畀錢，我話AA制畀番錢佢，佢都拒絕收。不過我自己屋企嘅開支，都係自己畀。」Kelly年初四已為《白色強人II》開工，稍後會到深圳拍外景，並在當地隔離21日，預計逗留至四月底才返港。將與男友分隔兩地，Kelly未有不捨，又指男友已習慣她一拍劇便忙得天昏地暗。

煎牛扒慶祝情人節

張曦雯與混血男友Mark Brunyez拍拖兩年多。

　　日前情人節，Kelly透露男友除了送花給她，又在家中親自下廚煎牛扒及整沙律，兩口子一同看電視平淡度過。Kelly稱︰「雖然之後兩日，間屋仲係有陣牛扒味，但我好欣賞佢，好有心，反而我無送禮物畀佢。（老夫老妻唔使送？）我性格係咁，一開始拍拖已經係咁，所以佢唔會有期望。」對於戲院及美容院重開，貪靚的Kelly已經預約了做facial，又期待再次跟男友入戲院看電影。

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情