【晴報專訊】目前懷孕八個多月的胡杏兒，雖然預產期在本月底，但她昨日仍腹大便便出席代言人活動。密密賺奶粉錢的杏兒，笑言仍未安排產後的工作，又表示甚有興趣回娘家無綫拍劇。

 

戴上口罩的胡杏兒，自嘲目前口腫面腫相當難看。

 

　　胡杏兒昨日挺著八個月巨肚出席活動，她透露預產期將於本月底，最近照超聲波時，胎兒已重五磅多。提到胎兒性別，本身育有兩個囝囝的杏兒笑說︰「我想BB出世後，先公布性別，依家等大家估下先，始終未到最後一刻，都未知道確實嘅性別。」

 

　　杏兒透露今次會跟之前兩胎一樣，都會選擇順產生B，她笑說︰「今胎我重咗20幾磅，感覺同之前兩胎差唔多，反而胃口有少少改變，變得好鍾意食壽司，不過我都好聽話，只係食熟嘅壽司，同埋鍾意食牛肉，覺得怪怪地。」

 

返電視城探胡定欣

 

胡杏兒日前探望正拍攝《白色強人II》的好姊妹胡定欣。（IG圖片）

 

　　提到杏兒腹大便便仍密密接工作，繼早前返內地數月拍攝真人騷及出席春晚後，昨日仍出席活動，曾表示新年後停工的她解釋說︰「其實我喺春晚之後，已經無再北上，專心喺屋企湊仔。」問她是否已開始安排產後的工作？她笑說︰「生完先啦，想等自己靚啲同埋身材瘦番先接job，坐月起碼都要一個月。」有傳她在三個月內火速賺300萬人民幣，她沒正面回答，只謂產前密密賺錢，是為了孩子有更好的生活，自己及後亦有更多時間陪小朋友。

 

　　另外，提到曾志偉返TVB出任副總經理，問杏兒會否有興趣返娘家拍劇？她說︰「如果有機會當然歡迎啦，始終TVB都係娘家。（TVB拍劇賺錢不多？）娘家唔可以講錢嘅，最緊要開心，同埋最緊要劇本同角色適合。」杏兒日前返電視城探望正拍攝《白色強人II》的好姊妹胡定欣，杏兒指定欣要離港兩個月拍劇，所以特地探班為定欣打氣，她又謂當日與不少台前幕後聚舊，非常開心。

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇