加入最愛專欄  收藏文章 

2021-03-03

ViuTV舉辦首個音樂頒獎禮 親生仔MIRROR獲最多提名

  【晴報專訊】ViuTV首個音樂頒獎禮《Chill Club推介榜年度推介20/21》將於下月18日假九展舉行,昨日邀請數十位歌手現身記招。「親生仔」MIRROR獲年組合提名外,各成員亦入圍多個個人獎,令組合獲得頒獎禮最多提名;早前被指因拍拖而甩底新城頒獎禮的陳卓賢(Ian),首度開腔談緋聞女友盧慧敏(Amy Lo)。

 

MIRROR揚言希望亮相無綫音樂節目。

 

  昨日出席記者會的歌手包括Gin Lee、AGA、許廷鏗、鄭欣宜、MIRROR及ERROR等,ViuTV高層金廣誠透露頒獎禮以「人人樂壇音樂第一」為題,又否認親生仔會較易獲獎︰「一人一票㗎嘛,唔會因為自己人而偏心。」姜濤提到自己獲四項提名時說:「多謝公司畀機會,信心一般,順其自然,我想拎組合獎多過個人獎,因為一齊攞獎仲開心。」問Ian有否獲緋聞女友Amy Lo打氣?他說︰「我哋工作範圍唔同,唔會干涉大家。」他再度澄清沒有因拍拖而甩底工作,強調當日因家事請假:「我無逃避,就算我五年後企出嚟,大家都會照問。」

 

許廷鏗著裙現身

 

ERROR展示成員保錡的黑白相,認真百無禁忌。

 

  男團ERROR三缺一現身,成員保錡因連串負面新聞宣布暫停工作,成員阿Dee、肥仔及193昨日抵死展示手機上保錡黑白照,寓意他精神長存:「黑白相係代表舊嘅保錡已死,新嘅保錡好快嚟,佢唔係退團,休息夠就會見大家。」193亦搞笑說:「廣告收入無影響,不過最好分三份!」此外,阿Dee自爆若獲得「唱作歌手」獎,經理人花姐承諾會穿低胸晚裝示人,肥仔說︰「姜濤攞獎無嘢睇,阿Dee攞獎就有花姐睇。」

 

欣宜與許廷鏗齊齊著裙鬥靚。

 

  另外,許廷鏗得知鄭欣宜會穿裙子出席,他亦「跟風」著黑色裙亮相,他笑言︰「終於明點解女仔鍾意著長裙,原來好方便,無晒束縛,好通爽。」他又解釋日前因要幫病人整牙,未能出席TVB「三大唱片破冰」記者會。

 

轉載自: 晴報

更多娛樂情報文章
編輯推介
即時報價
全文搜索
Search
最近搜看
中概股回歸
大國博弈
More
Share