【晴報專訊】人氣王姜濤將於本月底22歲生日，早前他接受陳志雲網台節目訪問時，聲稱至今仍屬A0（未拍過拖），更坦承依然是處男。話口未完，姜濤被爆與ViuTV單元劇《YOLO的練習曲》19歲女團成員黃曦誼（Candy）疑似曾經秘密撻着，昨日姜濤否認跟Candy拍拖，一班「姜糖」大可放心。

 

MIRROR昨日總動員現身旺角，吸引大批途人圍觀。

 

　　男團MIRROR昨日到旺角鬧市出席《MIRROR兩周年緣份扭蛋機》活動，吸引數百粉絲及途人圍觀，有粉絲更爬上路邊鐵欄拍攝偶像，險象環生。緋聞主角姜濤甫現身即成全場焦點，對於被指與Candy在情人節前夕結伴夜遊中環？姜濤淡然說︰「係一個誤會，我都係睇新聞先知佢嗰日都有行嗰度。其實嗰日我係跑步，經過每個地方都會打卡，而且我哋只合作過一套音樂電影，間中喺網上交流，今次產生誤會，唔好意思。」

 

私追事件已和解

 

姜濤（右）自爆在社交網站關注誰人，不由自己決定。

Candy外表清純可人。（IG圖片）

 

　　至於隊友Ian（陳卓賢）被指已取消關注Candy的IG，Ian竟然經姜濤提點後才想起女方身份。Ian說︰「我嘅社交網站好少follow異性，之前係禮貌上互相關注，私下無聯絡，亦唔會特別想知對方嘅日常事。」姜濤又大爆︰「我哋follow邊個，都唔係我哋自己決定，係公司……」身旁的經理人花姐（黃慧君）即說︰「一定要follow我囉！」Anson Kong(江熚生)早已成「絕緣體」，取消關注部分異性朋友，更笑言「份糧包埋」。

 

　　另外，隊長Lokman透露他們前晚在梅窩拍竣梁祖堯主持的《調教你MIRROR》，被爆在節目上真情流露喊得最勁的Ian說︰「喺輕鬆嘅環境入面釋放咗心情。」至於早前粉絲「私追」事件鬧風波，Lokman笑說︰「我哋同粉絲溝通之後，大家已經和解，關係比之前更親密。」

 

姜濤被指取代周柏豪，與蔡卓妍合作拍廣告。

 

　　至於頻頻接廣告的姜濤，最近與蔡卓妍（阿Sa）合作拍攝預防HPV廣告，雖然當日兩人分開不同地點拍攝，但姜濤收工後，立即親往阿Sa拍攝場地探班，不過怕醜的他緊張到腦海一片空白：「阿Sa對我嚟講係前輩，點知去到佢咁nice，主動打招呼，搞到我有啲唔好意思。」

 

轉載自: 晴報

• 

全新節目《說說心理話》青少年不可以戀愛！？真實個案講述驚心動魄經歷► 即睇