【晴報專訊】古天樂（古仔）前晚出席電影《真•三國無双》首映禮，古仔三年前拍該片時曾弄傷眼球，更縫了八針，十分恐怖。自爆有900多度近視的他，笑言因擔心矯視手術後無得戴隱形眼鏡，所以暫時擱置。

古天樂的眼球曾受傷，幸好沒影響視力。

　　古天樂前晚與導演周顯揚、姜皓文、張建聲等出席首映禮，古仔重提三年前拍《真•三國無双》的打鬥戲時，不小心被兵器刺傷右眼球，要在眼球縫八針，他回想當時亦覺得驚嚇：「當時隻眼係咁流血，仲流出啫喱狀物體，但眼球縫針唔可以麻醉，要逐針逐針縫落去，其實只係比較痕癢，好彩手術後無後遺症，我又定期驗眼，到依家眼球都無事。」

　　古仔自爆有900多度近視，亦開始有老花，他說：「之前都諗過做矯視手術，但知道手術後兩個月無得戴隱形眼鏡，我又有捽眼習慣，戴住眼鏡捽又煩，醫生話到將來有白內障，先一次過做手術清除所有問題，所以遲啲先再考慮。」問古仔會否考慮接種新冠疫苗？他坦言：「我本身超級敏感，皮膚敏感、鼻敏感、鼻竇炎，加上身體長期出疹，要先問清楚醫生，係咪適合接種疫苗先。」

姜皓文考慮接種疫苗

姜皓文將往泰國拍戲，太太不會同行。

　　同場的姜皓文（黑仔）跟太太殷寧一同現身，提到《真》片在新西蘭取景，他笑說：「從來無諗過會喺新西蘭著古裝拍戲，感覺幾得意。（會否考慮移居當地？）當地人生活節奏慢啲，我比較鍾意亞洲地方，等退休先再諗。」黑仔稍後到泰國拍攝新戲，他自言要開工無辦法，惟有做足防疫措施。提到會否接種疫苗，黑仔說：「我前排做身體檢查，心臟酵素偏高，會做咗顯影檢查先再決定打唔打針。」

轉載自: 晴報

etnet榮獲HKEX Awards 2023 「最佳表現證券數據供應商」大獎► 了解詳情