【晴報專訊】懷孕七個多月的湯怡昨日到元朗出席珠寶店活動，她透露會順產生B，但孕婦心情容易起伏不定，她笑言已向老公麥秋成下「陪產令」，到時老公必須要陪伴她入產房生B，否則後果自負。

 

腹大便便的湯怡，手腳依然纖幼。

 

　　湯怡昨日穿上波鞋到場，拍照時才換上三吋高踭鞋，相當聽話。她透露預產期在七月，現時已進入倒數階段，心情開始緊張：「我之前上網睇生仔片，睇咗一段已經喊到唔敢再睇，因為我揀順產，擔心情緒起伏太大。」她指老公麥秋成最近忙於排舞，夫妻少見面，亦令她心情不好：「老公每日一早出去，凌晨先返屋企，佢陪到我嗰排我會開心番，我威脅佢到時一定要陪我入產房，否則後果自負！」

 

湯怡不用拍照時即換回波鞋，相當小心。

 

　　提到胎兒性別，湯怡大賣關子：「我已經知道，等baby shower先公布。原本老公鍾意生仔，但養咗一隻狗女之後，又覺得囡囡都唔錯！佢仲想即刻追多個，但我想唞多兩年先。」她更密密搵奶粉錢，揚言懷胎到九個月仍會接工作。

 

湯怡「投訴」老公麥秋成近日工作早出晚歸。（資料圖片）

 

不再做瑜伽倒立

 

　　湯怡又透露懷孕初期有坐骨神經痛，最近肚子大了，亦有頂胃感覺，只能少食多餐。早前她在IG上載做瑜伽倒立的照片，她解釋：「我知自己應付到，但唔想長輩擔心，所以我唔會再做。」她又坦言懷孕後才真正明白母愛偉大，雖然未知老公會否跟她慶祝下月的母親節，但老公平日也會為她按腳紓緩不適，十分體貼。

 

轉載自: 晴報

• 

etnet榮獲HKEX Awards 2023 「最佳表現證券數據供應商」大獎► 了解詳情