加入最愛專欄  收藏文章 

2021-08-04

女神吸引力 吳卓羲戲內戲外望實劉心悠

  【晴報專訊】劉心悠與吳卓羲(Ron)主演的電影《女人街,再見了》將於明日公映,女神心悠於戲中化身「港版羅拉」做搬運工人,兼且要「喪鬧人」。不過心悠就直言是次演繹未夠放,皆因她不夠時間將白滑皮膚曬黑,又無需爆粗,她直言︰「我未試過拍戲鬧人鬧得咁勁,希望下次可以紋身或食煙。」心悠一心改變乖乖女形象,認真大膽!

 

 

  電影以旺角女人街作故事背景,帶出沒有血緣關係的小販(廖啟智飾)與非法居留兒童(梁珈榕飾)的感人父子情。戲中吳卓羲化身古惑仔,衝擊觀眾心目中的幹探形象,他笑言︰「其實我以前拍劇都演過宅男,不過觀眾見我拍戲演警察多,加上喺旺角鬧市拍攝,所以好難忘。」Ron暗示其角色是警察加古惑仔,但未知是否卧底,他在戲中又充當護花使者保護心悠︰「我同心悠有好多一齊跑嘅戲份,街坊以為我係工作人員,變咗佢嘅貼身保鑣。」

 

無緣食煙慨嘆失望

 

心悠在戲中化身「港版羅拉」,和智叔及Ron鬥戲。

 

  至於心悠則初嘗做基層搬運工人的滋味,原來她參考了早年紅遍網絡的「港版羅拉」朱芊佩,「我要扮揸貨車同操作唧車,我有睇過港版羅拉嘅報道,但決定接拍呢套戲到開工只得兩個星期,遺憾唔夠時間操大隻同曬黑啲!」難得女神「落入凡間」,心悠亦要迎合角色喪鬧Ron,她表示︰「我第一次咁惡,因為戲中Ron阻住我搵食,我以前都未試過鬧人鬧得咁勁,不過唔使爆粗!」

 

  心悠直言希望下次演類似角色時,可以扮食煙貼近角色性格,「講粗口就驚自己講得唔夠地道,變得太搞笑,反而想試下食煙或者紋身,但今次導演話無呢個需要,我都有啲失望!」話雖如此,心悠依然非常投入,開工不久已拉傷大腿,她更因影響拍攝進度而感到內疚︰「當時要喺鬧市拍攝奔跑場面,由於我無着運動鞋又無拉筋,試戲嗰時已經拉傷腳,之後都要頂硬上。」

 

觀摩智叔獲益良多

 

  心悠與Ron是不少觀眾心目中的女神及男神,二人初次合作卻未有過電,但Ron笑言心悠是公認的靚女,戲裏戲外均望實對方,「佢本身性格好吸引,揸貨車都好好睇,導演叫我望鏡頭,我話唔得,心悠太吸引喇!」不過戲中二人沒有感情綫及親熱鏡頭,認真可惜。

 

智叔與梁珈榕演繹悲情故事,父子情令人動容。

 

  此外,提到該片是老戲骨廖啟智的遺作,Ron坦言在對方身上「學到嘢」,他說︰「智叔好了解角色、好犀利,好快就知點樣演得出色,點樣吸睛但又唔會搶戲,係一個好專業嘅演員!」心悠則表示︰「平時智叔講嘢好溫柔,但有場戲佢真係鬧到囝囝梁珈榕喊,仲要當街打佢,睇劇本其實唔使咁盡,令我哋好驚喜。」

 

轉載自: 晴報

現凡訂閱etnet YouTube Channel,即賞麥當勞現金券!
► 立即行動

更多娛樂情報文章
你可能感興趣
#吳卓羲 #劉心悠 #女人街,再見了 #廖啟智
編輯推介
即時報價
全文搜索
Search
最近搜看
恒大困局
透視大灣區
More
Share